A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido no apartado i) do artigo 7 da Orde do 21 de abril de 1998 (DOG nº 88 de 11 de maio), convoca expediente de contratación polo procedemento aberto, mediante concurso público, da adquisición dun equipo de videogastroscopia, dun ecógrafo para aplicacións vasculares, de dous respiradores volumétricos para respiración controlada e de dous nebulizadores ultrasónicos.

1. Obxecto e orzamento.

A adquisición dun equipo de videogastroscopia, dun ecógrafo para aplicacións vasculares, de dous respiradores volumétricos para respiración controlada e de dous nebulizadores ultrasónicos, por un orzamento máximo de vinteún millóns duascentas cincocentas mil pesetas (21.250.000 ptas.) IVE incluído.

2. Prazo de entrega.

O material obxecto do pre sente concurso público deberá ser entregado no prazo dun mes desde o asinamento do contrato.

3. Documentos de interese para os licitadores.

O prego de cláusulas administrativas particulares e demais documentación complementaria poder ser solicitada no Servicio de Subministracións do Complexo Hospitalario Xeral-Calde de Lugo, rúa Doutor Severo Ochoa s/n. Tfno. 982 29 65 52 e fax 982 21 29 24.

4. Fianzas.

Deberá consignarse unha fianza provisional do 2% do orzamento de licitación, por un importe de catrocentas vintecinco mil pesetas (425.000 ptas.), e unha fianza definitiva do 4% do orzamento. As devanditas fianzas constituiranse segundo o disposto nos artigos 36 e 37 da Lei 13/1995, do 18 de maio, de contratos das administracións públicas.

5. Solvencia económica e financeira.

Acreditarase por un ou varios dos medios establecidos no artigo 16 da Lei 13/1995, de 18 de maio, de contratos das administracións públicas.

6. Solvencia técnica.

Acreditarase por un ou varios dos medios establecidos no artigo 18 da Lei 13/1995, de 18 de maio, de contratos das administracións públicas.

7. Clasificación.

Non se precisa.

8. Criterios de adxudicación.

Valoración técnica dos equipos, ata 5 puntos.

Prezo, ata 4 puntos.

Posibilidade de incorporación de melloras tecnolóxicas, ata 3 puntos.

Prazo de entrega, ata 2 puntos.

9. Admisión de variantes.

Admítense variantes.

10. Presentación de proposicións.

As proposicións deberanse presentar en man, en sobres pechados e asinados polo licitador ou persoa que o represente, no Rexistro do Complexo Hospitalario Xeral-Calde de Lugo antes das 14 horas do vixésimo sexto día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciar ó Complexo Hospitalario

Xeral-Calde a remisión da oferta mediante fax ou telegrama no mesmo día.

11. Apertura de proposicións.

A apertura das proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo ás 10 horas do décimoprimeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.

12. Documentación que deberán presenta-los licitadores.

Os documentos que figuran no prego de cláusulas administrativas particulares.

13. Anuncios.

Os anuncios do presente concurso público serán por conta dos adxudicatarios do contrato.

Lugo, 22 de maio de 1998.

Fernando Varela Noreña

Director xerente do Complexo Hospitalario

Xeral-Calde de Lugo

5650