A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido no apartado i) do artigo 7 da Orde do 21 de abril de 1998 (DOG nº 88 do 11 de maio), convoca expediente de contratación polo procedemento aberto e tramitación urxente, mediante concurso, do servicio de traslado e xestión do arquivo pasivo.
Obxecto e orzamento:
Lote nº 1: traslado do arquivo pasivo e depuración do arquivo activo, por un orzamento máximo de 1.873.000 ptas. (IVE incluído).
Lote nº 2: xestión do arquivo pasivo, por un orzamento máximo de 5.460.00 ptas. (IVE incluído) para un período de 6 meses, (orzamento máximo mensual de 910.000 ptas. (IVE incluído).
Prazo de execución:
Lote nº 1: establécese un prazo de execución de dous meses.
Lote nº 2: inmediato desde o asinamento do contrato.
Documentos de interese para os licitadores: o prego de cláusulas administrativas particulares e demais documentación complementaria poder ser solicitada no Servicio de Subministracións do Complexo Hospitalario Xeral-Calde de Lugo, rúa Doutor Severo Ochoa, s/n, 27004 Lugo. Tfno. 982 29 65 52 e fax 982 21 29 24.
Fianzas: deberá consignarse unha fianza provisional do 2% do orzamento de licitación, por un importe de trinta e sete mil catrocentas sesenta pesetas (37.460 ptas.) para o lote nº 1, cento nove mil duascentas pesetas (109.200 ptas.) para o lote nº 2, e unha fianza definitiva do 4% do orzamento. As devanditas fianzas constituiranse segundo o disposto nos artigos 36 e 37 da Lei 13/1995, do 18 de maio, de contratos das administracións públicas.
Solvencia económica e financeira: acreditarase por un ou varios dos medios establecidos no artigo 16 da Lei 13/1995, do 18 de maio, de contratos das administracións públicas.
Solvencia técnica: acreditarase por un ou varios dos medios establecidos no artigo 18 da Lei 13/1995, do 18 de maio, de contratos das administracións públicas.
Clasificación: non se precisa.
Criterios de adxudicación:
-Calidade do proxecto técnico presentado valorándose: elementos e instalacións empregadas, fiabilidade do sistema, facilidade de implantación actual e futura, tempo de resposta.
* Ata 5 puntos.
* Prezo, ata 4 puntos.
* Prazo de execución, ata 3 puntos.
* Experiencia demostrada documentalmente en traballos relacionados con esta actividade noutros centros hospitalarios, ata 2 puntos.
Admisión de variantes: non se admiten variantes.
Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro do Complexo Hospitalario Xeral-Calde de Lugo antes das 14 horas do décimo terceiro día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciar ó Complexo Hospitalario Xeral-Calde a remisión da oferta mediante fax ou telegrama no mesmo día
Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo ás 10 horas do décimo primeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.
Documentación que deberán achega-los licitadores: os documentos que figuran no prego de cláusulas administrativas particulares.
Anuncios: os anuncios do presente concurso público serán por conta dos adxudicatarios do contrato.
Lugo, 20 de abril de 1998.
Fernando Varela Noreña
Director xerente do Complexo Hospitalario
Xeral-Calde de Lugo
5648