Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se detallan:
Solicitante: Unión Eléctrica-Fenosa, S.A.
Domicilio social: Avda. Arteixo 171, 15000 A Coruña.
Denominación: ampliación módulo liña 66 kV en subestación Vimianzo.
Situación: Lugar de Brives. Vimianzo.
Descricións técnicas: proxecto de ampliación dun módulo de liña a 66 kV na subestación de Vimianzo, consistente en: pórtico metálico de amarre e conductor tipo Cóndor de 455 mm Al-Ac. Aparellaxe eléctrica: interruptor en 3 F6 a 72,5 kV e 2.000 A, seccionador trifásico con posta a terra a 72,5 kV, trafos de tensión e intensidade. Mecanismos de control, mando, sinalización e medida.
Cumprido-los trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu;
Autorizar e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que consta no expediente.
A Coruña, 27 de abril de 1998.
Jesús Espada Martínez
Delegado provincial da Coruña
4504