En cumprimento do disposto no artigo 2º, punto 4, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública mediante anuncio no Diario Oficial de Galicia.
Na súa virtude,
RESOLVO:
1. Someter a información pública o estudio de efectos ambientais do proxecto de explotación, avaliación do impacto ambiental e proxecto de restauración do permiso de investigación Esmeralda nº 6.982, situada no concello de Val do Dubra, provincia da Coruña.
2. Para os devanditos efectos informativos, poranse á disposición dos administrados, exemplares nas seguintes dependencias:
Dirección Xeral de Calidade e Avaliación Ambiental.
Delegación Provincial da Consellería de Medio Ambiente da provincia da Coruña.
Concello de Val do Dubra.
3. As alegacións formularanse durante o prazo de vinte días, contando a partir do seguinte día ó da publicación da presente resolución no Diario Oficial de Galicia.
Santiago de Compostela, 5 de xuño de 1998.
Francisco Pan-Montojo González
Director xeral de Calidade e Avaliación Ambiental
5545