O Consello da Xerencia de Urbanismo, en sesión do 17 de abril de 1998, acordou aprobar inicialmente o plan especial de mellora do núcleo 05.10 Salgueiro (Candeán), redactado polos/as arquitectos/as Inmaculada Garcés Navarro, Lidia Mabel Pacho Domínquez e Juan Luis Piñeiro Ferradás, someténdoo a información pública polo prazo dun mes mediante a inserción de anuncios no DOG, nun xornal e notificacións individuais ós propietarios titulares de terreos afectados pola delimitación de polígonos no ámbito do plan, de conformidade co establecido no artigo 42.1º e 6º da Lei 1/1997, do 24 de marzo, do solo de Galicia.
O que se fai público para xeral coñecemento, significando que o trámite de información pública se entenderá aberto desde o día da publicación do primeiro anuncio ata transcorrido un mes da derradeira publicación.
Así mesmo, o presente anuncio servirá de notificación nos termos previstos no artigo 42.6º da Lei 1/997, para todos aqueles propietarios que sexan descoñecidos, se ignore o lugar de notificación ou, intentada estas non se puidese practicar.
O expediente atópase á disposición do público na oficina de información da Xerencia Municipal de Urbanismo (planta baixa da Casa Consistorial).
Vigo, 27 de abril de 1998.
Manuel Pérez Álvarez
Alcalde-presidente da Xerencia Municipal
de Urbanismo
5469