Galego | Castellano

DOG - Xunta de Galicia -

Diario Oficial de Galicia
DOG Núm. 112 Venres, 12 de xuño de 1998 Páx. 6.534

III. OUTRAS DISPOSICIÓNS

CONSELLERÍA DE EDUCACIÓN E ORDENACIÓN UNIVERSITARIA

ORDE do 20 de maio de 1998 pola que se establece a denominación de centros públicos de ensino secundario dependentes da Consellería de Educación e Ordenación Universitaria.

O artigo 2 do Real decreto 1004/1991, do 14 de xuño (BOE do 26), polo que se establecen os requisitos mínimos dos centros de ensino non universitario, establece que os centros terán unha denominación xenérica, segundo as ensinanzas que impartan.

Tendo en conta o Decreto 324/1996, do 26 de xullo (DOG do 9 de agosto), polo que se aproba o Regulamento orgánico dos institutos de educación secundaria que, no seu artigo 3.1º establece o procedemento para a denominación específica dos referidos institutos, esta consellería, en virtude da disposición derradeira primeira do referido Decreto 324/1996, e por proposta da Dirección Xeral de Centros e Inspección Educativa,

DISPÓN:

Primeiro.-Aproba-la denominación específica dos institutos de educación secundaria que figuran no anexo I.

Segundo.-Asignarlles denominación específica numérica ós institutos de educación secundaria daqueles concellos nos que existe máis dun centro de ensino secundario e non teñen denominación específica, (anexo II).

Terceiro.-Publica-la relación dos restantes centros de ensino secundario coa denominación xenérica de institutos de educación secundaria, manténdolle-la denominación específica daqueles ós que se lles autorizou no seu día, (anexo III).

Santiago de Compostela, 20 de maio de 1998.

Celso Currás Fernández

Conselleiro de Educación e Ordenación

Universitaria

5409