O Concello do Grove (Pontevedra), en sesión celebrada o día 30 de outubro de 1997, aprobou o proxecto de nova canalización de abastecemento ó Grove e na sesión celebrada o día 26 de febreiro de 1998
acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque se motiva a urxencia na insuficiencia do abastecemento de auga e baseándose no artigo único do Decreto 3376/1971, do 23 de decembro, que dispón que as obras e instalacións necesarias para a potabilidade das augas destinadas ó abastecemento de poboacións decláranse de recoñecida urxencia para tódolos efectos de aplicación do artigo 52 da Lei de expropiación forzosa.
A competencia para a declaración da urxente ocupación corresponde ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude e por proposta do conselleiro de Xustiza, Interior e Relacións Laborais e logo de deliberación do Consello da Xunta de Galicia na súa reunión do día vintedous de maio de mil novecentos noventa e oito,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, polo Concello do Grove (Pontevedra) para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de nova canalización de abastecemento ó Grove.
Santiago de Compostela, vintedous de maio de mil novecentos noventa e oito.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Relacións Laborais
5299
