Con data do 16 de abril de 1998, o Pleno da Corporación Municipal adoptou acordo polo que se modifica o anterior con data do 2 de marzo de 1998, que aprobou a oferta de emprego público do ano 1997, modificándoa e incluíndo un posto de capataz de electromecánicos.
As bases xerais son as publicadas no BOP nº 72, do 17 de abril de 1998, e no Diario Oficial de Galicia nº 79, do 27 de abril seguinte, e as específicas son as seguintes:
Capatar de electromecánicos.
I. Número de postos: 1.
II. Características.
En réxime laboral, equiparado ó grupo D para efectos de titulación. Estará dotado coas retribucións básicas correspondentes ó grupo D e as complementarias que figuran na relación de postos de traballo.
Figurará incluído no réxime de dedicación exclusiva.
III. Sistema de selección.
Establécese o de concurso-oposición, co baremo previsto para a fase de concurso nas bases xerais.
Resérvase para promoción interna, entre persoal coa categoría de oficial de oficios ó servicio da corporación, que cumpran cos requisitos sinalados na base XI das xerais.
IV. Condicións dos/as aspirantes.
Deberán contar coa condición de oficial de oficios con contrato laboral fixo ou integrado no grupo D de titulación desde hai 2 anos como mínimo.
Acreditaranse mediante certificación para o efecto expedida polo secretario xeral.
V. Fase de oposición.
Constará de dous exercicios:
Primeiro exercicio.-Teórico. De carácter obrigatorio e eliminatorio.
Consistirá en contestar por escrito nun prazo dunha hora a un test de 20 preguntas con 3 respostas alternativas que propoñerá o tribunal inmediatamente antes de iniciarse o exercicio e relacionadas coas materias contidas no temario que figura como anexo a estas bases.
Segundo exercicio.-Práctico. De carácter obrigatorio e eliminatorio.
Consistirá en resolver un suposto práctico ou realiza-las tarefas que propoñerá o tribunal, relacionadas coas materias obxecto do programa no prazo que estableza o tribunal en función da natureza da proba.
A cualificación de cada exercicio e a final farase de conformidade co previsto na base IX das xerais.
ANEXO TEMARIO
Os catros primeiros temas son os que figuran como anexo nas bases xerais para o grupo D.
Tema 5. Funcións e tarefas máis importantes dun capataz do Servicio de Electromecánicos.
Tema 6. Magnitudes eléctricas: intensidade, resistencia e diferencia de potencias.
Tema 7. Leis fundamentais da electricidade.
Tema 8. O traballo mecánico: magnitudes fundamentais.
Tema 9. Concepto de potencia: unidades de medida.
Tema 10. Leis fundamentais da mecánica.
Tema 11. Efectos da corrente eléctrica: efecto calorífico, efecto químico e efecto magnético.
Tema 12. Máquinas eléctricas: fundamento dos motores eléctricos trifásicos.
Tema 13. Protección de equipos e cortocircuítos contra intensidades, contra cortocircuítos e contra contactos. Clases de protección.
Tema 14. Luminarias: tipos e características.
Tema 15. Lámpadas de iluminación: tipos e características.
Tema 16. Equipos de acendido para lámpadas de descarga. Condensadores: tipos e características.
Tema 17. Compoñentes da instalación eléctrica: características, tipos e control.
Tema 18. Iluminación de interiores: características xerais, métodos de iluminación, cálculo dos puntos de luz e localización, control e mantemento.
Tema 19. Iluminación de exteriores: características xerais, métodos de iluminación, cálculo dos puntos de luz e localización, control e mantemento.
Tema 20. Seguridade e saúde laboral: riscos, proteccións persoais e colectivas nas instalacións eléctricas e mecánicas.
Vigo, 28 de abril de 1998.
Manuel Pérez Álvarez
Alcalde
4365