O Concello de Narón, en sesión celebrada o día dous de decembro de 1997, acorda cederlle gratuitamente ó Servicio Galego de Saúde un terreo de 750 metros cadrados, no que se encontra situado o centro de saúde de Narón, sito nese concello.

Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia

para a adquisición de bens a título gratuíto. Por outra banda, o artigo 23.1º da mesma lei establece que non poderán adquirirse bens ou dereitos a título lucrativo cando o valor global dos gravames, cargas e afectacións impostas sobre eles supere o seu valor intrínseco. Non se considerarán carga, gravame ou afección os investimentos que teña que realiza-la Comunidade Autónoma para da-lo destino de uso xeral ou servicio público da súa competencia que fixe o cedente.

En cumprimento do disposto na Lei 3/1985, do 12 de abril, do patrimonio da Comunidade Autónoma, por proposta do conselleiro de Sanidade e Servicios Sociais e presidente do Servicio Galego de Saúde e de conformidade coas condicións estipuladas no acordo do Pleno do Concello de Narón do dous de decembro de 1997, logo de deliberación do Consello da Xunta de Galicia na súa reunión do quince de maio de mil novecentos noventa e oito,

DISPOÑO:

Artigo 1º

1.-Acéptase a cesión a título gratuíto do inmoble no que se encontra situado o centro de saúde de Narón, propiedade do Concello de Narón, feita a favor do Servicio Galego de Saúde.

2.-O inmoble cedido ten unha superficie de 750 m e está sito no concello de Narón, sendo os seus lindes os seguintes:

-Ó norte: en liña de 25 metros, co resto do predio matriz, propiedade municipal destinado ó uso de praza pública.

-Ó sur: en liña de 25 metros, co resto do predio matriz, propiedade municipal, destinado a vial público de carácter peonil con uso restrinxido ós vehículos.

-Ó leste: en liña de 30 metros, co resto do predio matriz, propiedade municipal destinado ó uso de praza pública.

-Ó oeste: en liña de 30 metros, resto do predio matriz, propiedade municipal destinado a vial público, vial que da acceso ó centro de saúde situado nesta parcela.

3.-A parcela obxecto de cesión figura inscrita no Rexistro da Propiedade de Ferrol a favor do Concello de Narón por título de agrupación e división, no tomo 1.857 , libro 401, folio 187, predio 40.137, inscrición primeira.

Artigo 2º

O inmoble cédese libre de cargas e gravames.

Artigo 3º

O Servicio Galego de Saúde, a través do seu órgano competente, procederá á formalización da aceptación

no correspondente documento público, inscribíndose no Rexistro da Propiedade ó seu nome e integrándose no seu patrimonio propio.

Disposición derradeira

O Servicio Galego de Saúde , a través do seu órgano competente, levará a cabo os trámites necesarios para a efectividade de canto se dispón neste decreto.

Santiago de Compostela, quince de maio de mil novecentos noventa e oito.

Manuel Fraga Iribarne

Presidente

José María Hernández Cochón

Conselleiro de Sanidade e Servicios Sociais

4965