O Real decreto 1375/1997, do 29 de agosto (BOE nº 235, do 1 de outubro), traspasou á Comunidade Autónoma de Galicia a xestión realizada polo Instituto Nacional de Emprego, no ámbito do traballo, o emprego e a formación; dito real decreto foi posteriormente ampliado e modificado en virtude do Real decreto 232/1998, do 16 de febreiro (BOE nº 54, do 4 de marzo de 1998).
O Decreto 488/1997, do 26 de decembro (DOG nº 12, do 20 de xaneiro de 1998), estableceu a estructura orgánica da Consellería de Familia e Promoción do Emprego, Muller e Xuventude.
Todo isto fai necesario proceder á modificación da relación de postos de traballo (R.P.T.) aprobda polo acordo do Consello da Xunta de Galicia do 23 de novembro de 1995, así como as súas posteriores modificacións, para adaptala á nova estructura orgánica e ás novas competencias asumidas.
Por todo isto, por proposta da Consellería de Familia e Promoción do Emprego, Muller e Xuventude, oídas as organizacións sindicais presentes na mesa xeral de negociación da Comunidade Autónoma de Galicia e a Comisión de Persoal, o Consello da Xunta de Galicia, na súa reunión do 15 de maio de 1998, adoptou o seguinte,
ACORDO:
1º Modifica-la relación de postos de traballo dos servicios centrais da Consellería de Familia e Promoción do Emprego, Muller e Xuventude.
2º Ordena-la publicación da relación de postos de traballo dos servicios centrais da Consellería de Familia e Promoción do Emprego, Muller e Xuventude no Diario Oficial de Galicia para efectos da súa entrada en vigor a partir do día seguinte a ela.
3º Clasificar como postos de libre designación os seguintes, con base nas seguintes motivacións:
Código Denominación Motivación
FA.C02.00.000.15770.005
FA.C03.00.000.15770.001
FA.C04.00.000.15770.001
FA.C05.00.000.15770.001
FA.C06.00.000.15770.001
Postos de confianza.
FA.C02.00.001.15770.010
FA.C02.00.001.15770.012
FA.CO2.00.002.15770.008 Sección habilitación persoal
Negociado administrativo de habilitación
Sección de administración e habilitación.
Postos de especial responsabilidade polo manexo de fondos públicos.
FA.CO2.00.000.15770.001 Secretario/a conselleiro
FA.A01.00.000.15770.001
Secretario/a director xeral
Artigo 6 da Orde da Consellería da Presidencia e Administración Pública do 21 de novembro de 1989 (DOG nº 232, do 4 de decembro).
FA.A01.00.000.15770.025
Sección habilitación
FA.C02.00.001.15770.025 Inspector de centros. Postos de confianza e especial responsabilidade derivada das funcións inspectoras en relación co cumprimento da normativa vixente por parte dos centros prestadores de servicios sociais e as propostas de incoación de expedientes sancionadores. FA.C05.00.002.15770.011 Sección técnica F.O.F.S.E e iniciativas comunitarias. Posto de especial responsabilidade polo manexo de fondos procedentes do Fondo Social Europeo. FA.C06.00.201.15770.001 Director casa de xuventude Artigo 7.2 b) do III Convenio Colectivo Único para o persoal laboral da Xunta de Galicia (DOG nº 249, do 28 de decembro de 1994).
4º Deixar sen efecto a relación de postos de traballo dos servicios centrais da Consellería de Familia e Promoción do Emprego, Muller e Xuventude aprobada con anterioridade.
Visto o acordo adoptado polo Consello da Xunta de Galicia na súa reunión do 15 de maio de 1998, relativo á modificación da relación de postos de traballo da Consellería de Familia e Promoción do Emprego, Muller e Xuventude, coa finalidade de cumpri-lo dito acordo, dispoño que se publique a citada modificación no Diario Oficial de Galicia como anexo a esta resolución.
Santiago de Compostela, 18 de maio de 1998.
Dositeo Rodríguez Rodríguez
Conselleiro da Presidencia e Administración Pública
4151
