DOG 90 do 13/05/1998 - RESOLUCIÓN do 7 de abril de 1998, da Delegación Provincial da Coruña, pola que se dispón a inscrición no rexistro e a publicación, no Diario Oficial de Galicia, do convenio colectivo da empresa Hotel Peregrino, S.A.

III. OUTRAS DISPOSICIÓNS

CONSELLERÍA DE XUSTIZA, INTERIOR E RELACIÓNS LABORAIS

RESOLUCIÓN do 7 de abril de 1998, da Delegación Provincial da Coruña, pola que se dispón a inscrición no rexistro e a publicación, no Diario Oficial de Galicia, do convenio colectivo da empresa Hotel Peregrino, S.A.

Visto o expediente do convenio colectivo Hotel Peregrino que tivo entrada nesta delegación provincial o día 1-4-1998, subscrito en representación da parte económica, pola empresa e, da parte social, polo comité de empresa, o día 27-2-1998, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 7 de abril de 1998.

Mª Reyes Carabel Pedreira

Delegada provincial da Coruña

Convenio colectivo Hotel Peregrino, S.A. 1998

Artigo 1º.-Ámbito funcional.

O presente convenio afecta o persoal do cadro de persoal fixo do Hotel Peregrino de Santiago de Compostela.

Artigo 2º.-Vixencia.

Este convenio entrará en vigor o 1 de xaneiro de 1998, independentemente da súa publicación no boletín oficial correspondente, e rematará o 31 de decembro de 1998.

Poderá ser denunciado por calquera das partes mediante escrito certificado cunha antelación mínima dun mes á data do seu vencemento e, se non fose denunciado entenderase prorrogado por períodos dun ano sucesivamente.

Artigo 3º.-Sistema de retribución.

A retribución salarial do persoal afectado polo presente convenio consistirá nun salario base, de acordo coas distintas categorías profesionais, ó que se lle sumarán os complementos que se pactan, polo que queda totalmente suprimido o réxime de porcentaxe de servicio que rexía nesta actividade, quedando substituído o sistema a que se refiren os artigos 49 e 52 e seguintes da ordenanza laboral vixente pola nova regulación convida, considerando, ademais que esta nova modalidade é máis beneficiosa para toda a totalidade do persoal ó suprimi-las diferencias que, no outro suposto habería entre as distintas categorías profesionais.

Artigo 4º.-Compensacións e melloras.

As melloras que se implantan neste convenio, así como as voluntarias que se establezan no sucesivo, serán compensables e absorbibles ata onde alcancen os aumentos, melloras ou condicións superiores de calquera natureza que, fixadas por disposición legal, contrato individual ou concesión voluntaria, poidan establecerse no sucesivo.

Artigo 5º.-Comisión en divisas.

O tanto por cento correspondente á dita comisión será repartido entre o persoal do departamento que efectúe os ditos cambios.

Artigo 6º.-Ordenación das categorías profesionais.

Tódalas categorías profesionais das actividades de hostelería adscribiranse segundo os seguintes niveis:

Nivel 1

Gobernante/a.

Xefe/a de comedor.

Xefe/a de cociña.

Xefe/a de recepción.

Xefe/a de administración.

Nivel 2

Xefe/a de sector.

Encargado/a de economato.

Xefe/a de partida.

Encargado/a de mostrador.

Nivel 3

Recepcionista.

Oficial de contabilidade.

Camareiro/a de cafetería.

Conserxe de noite.

Cociñeiro/a.

Dependente de 1ª.

Porteiro/a de servicio.

Camareiro/a de discoteca.

Encargado/a de traballos.

Nivel 4

Mecánico/a-calefactor/a.

Nivel 5

Camareiro/a de pisos.

Limpadores/as.

Mozo/a de equipaxes.

Fregadores/as.

Lavandeiros/as.

Nos casos de que non se incluíse algunha categoría neste artigo, a comisión paritaria determinará o seu encadramento correspondente, categoría e nivel.

Artigo 7º.-Retribucións.

A cada categoría profesional aplicaránselle as contías salariais mínimas correspondentes a cada nivel, e serán as seguintes:

Nivel 1: 132.492.

Nivel 2: 117.042.

Nivel 3: 108.802

Nivel 4: 98.502.

Nivel 5: 96.442.

Artigo 8º.-Manutención.

O persoal de calquera clase e categoría terá dereito a manutención como complemento salarial en especie, que se percibirá con cargo á empresa, e durante as horas en que presten os seus servicios e sempre que avisen o mes anterior.

O complemento en especie de manutención poderá substituírse mediante a entrega da cantidade de 5.150 pesetas, mensuais, computadas diariamente.

Artigo 9º.-Aloxamento.

Considerase incluído nos salarios que figuran no artigo 7º o importe de aloxamento a aquel persoal que o ten recoñecido pola ordenanza laboral do 28 de febreiro de 1974.

Artigo 10º.-Transporte.

Establécese un plus de transporte para todo o persoal afectado polo presente convenio de 5.845 pesetas mensuais.

Artigo 11º.-Antigüidade.

O complemento de antigüidade que se viña percibindo por porcentaxes segundo os anos de antigüidade na empresa, queda modificado polo acordo entre as partes por entender que dificulta a contratación e permanencia dos traballadores que acceden agora ou o fixeron os últimos tempos a un posto de traballo.

Con tal motivo para promover e consolida-la contratación e o emprego na hostelería, acórdase modifica-lo artigo do complemento de antigüidade, que se conxela, desaparecendo por tanto as táboas de porcentaxes e salarios neste concepto, quedando establecido do seguinte xeito:

Os traballadores que na data de entrada en vigor do presente convenio viñan percibindo mensualmente algunha cantidade por antigüidade seguirana recibindo en anos sucesivos e figurando na súa nómina o concepto de complemento de antigüidade por dereitos adquiridos. Este concepto será negociado cada ano ou cando se negocie un convenio. Os traballadores

que no momento de entrar en vigor o presente convenio non tiveran xeradas antigüidade, non a xerarán.

Artigo 12º.-Gratificacións extraordinarias.

As gratificacións extraordinarias de marzo, xullo, setembro e Nadal, serán de trinta días. Estarán constituídas polos salarios do artigo 7º, incrementados coa antigüidade que corresponde en cada caso, así como o resto dos complementos.

As citadas pagas aboaranse o 15 de marzo, 18 de xullo, 15 de setembro e 22 de decembro, respectivamente.

Artigo 13º.-Vacacións.

Tódolos traballadores terán dereito a trinta días de vacacións anuais, podéndose desfrutar en bloque ou fraccionados en dous períodos de quince días cada un.

A decisión de desfrutalas nun período ou en dous, así como a data ou datas de desfrute, terá que ser de mutuo acordo entre a empresa e os representantes dos traballadores. En caso de desacordo entre as partes, a xurisdicción competente fixará a data que para o desfrute corresponda, e a súa decisión será ininpugnable.

Con independencia das vacacións, os traballadores/as desfrutarán dos días non laborables legalmente establecidos.

Artigo 14º.-Xornada laboral.

A duración máxima da xornada de traballo será de 40 horas semanais de traballo efectivo. Tódolos traballadores terán dereito a dous días de descanso semanal e ininterrompido. Será xornada continuada nos departamentos de recepción, conserxería, teléfonos, pisos, lencería, administración e contabilidade.

As horas traballadas durante o período comprendido entre as doce da noite e as oito da mañá, salvo que o salario se establecese atendendo a que o traballo sexa nocturno pola súa propia natureza, terán unha retribución específica incrementada, como mínimo, nun 25% sobre o salario base.

Artigo 15º.-Dote por casamento.

O dote do persoal fixo que case consistirá no aboamento dunha mensualidade por cada no de servicio nun máximo de seis.

Entenderase como salario o do artigo 7º que corresponde ó traballador pola súa categoría profesional, previsto neste convenio, incrementado coa antigüidade. Este dereito afectará unicamente os traballadores que ó casaren rescindan o seu contrato de traballo.

Tanto o persoal masculino como feminino que leve dous anos de servicio na empresa e case, continuando nela, percibirá, en concepto de doete, unha mensualidade de retribución, que comprenderá o salario máis a antigüidade. No suposto de que o dito persoal non permanecese na empresa un ano máis a partir da data de casamento, descontaráselle na liquidación que se lle practique a cantidade que percibise en concepto de dote.

Este dereito só poderá ser desfrutado unha soa vez polo productor durante a súa permanencia na empresa.

Artigo 16º.-Licencias.

Sen perda de ningunha retribución, a empresa concederá licencias nos casos seguintes e coa seguinte duración:

-Casamento do traballador: 15 días.

-Enfermidade grave, intervención cirúrxica ou morte do cónxuxe, pais, fillos ou familiares ata o segundo grao de consanguinidade ou afinidade: 4 días.

-Parto da cónxuxe: 4 días.

-Voda de fillos, írmáns, bautizos e primeiras comunións: 1 días, se é dentro da provincia, e 3 días se é fóra dela.

-Traslado do domicilio habitual: 1 día.

-Libre disposición, non acumulables ás vacacións: 2 días.

Artigo 17º.-Excedencia.

O traballador cunha antigüidade na empresa, polo menos, dun ano, terá dereito a que se lle recoñeza a situación de excedencia voluntaria por un período máximo de cinco anos, sen que en ningún caso se poida producir tal situación nos contratos de duración determinada. Reunirá o traballador as condicións seguintes:

a) Contar cunha antigüidade na empresa superior a un ano. A concesión outorgarase dentro do prazo dun mes a partir da data da petición.

b) A excedencia terá unha duración mínima de seis meses e máxima de cinco anos, concedéndose polo tempo solicitado.

c) O traballador que desexe incorporarse ó seu posto de traballo notificarallo á empresa cun mes de anticipación á data na que expire o prazo.

d) Perderá o dereito á incorporación ó seu posto de traballo todo aquel excedente que en tal período de tempo preste servicios por conta allea, en calquera posto de traballo, dentro do territorio nacional, en empresas comprendidas na ordenanza laboral de traballos de hostelería.

e) Se a empresa lle dera emprego a outro traballador para substituí-lo excedente, aquel tería a condición de interino, causando baixa ó reincorporarse o substituído. Se este non se reincorporara no prazo e condiciósn sinaladas, cesaría definitivamente na empresa, adquirindo o interino a condición de fixo.

f) Os traballadores terán dereito a un período de excedencia non superior a tres anos para atende-lo coidado de cada fillo, contados a partir da data de nacemento deste. Os fillos sucesivos darán dereito a un novo período de excedencia que, se é o caso, poría fin á que viñese desfrutando. Cando a nai e o pai traballen, so un deles poderá exercer este dereito.

g) Así mesmo, poderán solicita-la situación de excedencia os traballadores que exerzan funcións sindicais

de ámbito provincial ou superior e mentres dure o exercicio do seu mandato.

h) Para acollerse a outra excedencia voluntaria, o traballador deberá cubrir un novo período de, polo menos, catro anos de servicios efectivos na empresa.

i) A excedencia concederase sen dereito ningún a retribución, e o tempo que dure non será computable para ningún efecto.

Artigo 18º.-Enfermidade.

En caso de enfermidade ou accidente, a empresa incrementará as prestacións da Seguridade Social, ata o 100% do salario establecido no artigo 7º, máis a antigüidade, plus de manutención, transporte e complementos. Esta prestación manterase por un período máximo de doce meses.

Absentismo.-Nos tres primeiros días de ausencia, deixarase de devenga-lo 20% da retribución diaria.

-Do cuarto ó décimo día, ambos inclusive, deixarase de devenga-lo 10% da citada retribución, mediante xustificación médica á empresa.

-Cando a situación de enfermidade común dure máis de dez días ininterrompidos, devengarase a retribución íntegra desde o primeiro día de ausencia.

-Das situacións de enfermidade aludidas exclúense as ausencias orixinadas por hospitalización, intervención cirúrxica, descanso por maternidade e accidente laboral.

Así mesmo, os períodos de enfermidade ou accidente de traballo non se terán en conta para deducir do período de vacacións.

Artigo 19º.-Xubilación e auxilio de defunción.

En caso de morte do trabalaldor concederáselle ó viúvo/a ou fillos un auxilio de defunción na seguinte contía e xeito:

-Por cinco anos de servicio: unha mensualidade.

-Por dez anos de servicio: dúas mensualidades.

-Por vinte anos de servicio: tres mensualidades.

-Por vintecinco anos de servicio: catro mensualidades.

Ó persoal que non leve os cinco anos de servicio na empresa pagaráselle a parte proporcional ó tempo traballado na contía de seis días por ano de servicio.

Ó producirse a xubilación dun traballador que leve, como mínimo, quince anos de servicio na empresa, percibirá dúas mensualidades, incrementadas con tódolos emolumentos inherentes a ela, e unha mensualidade máis por cada cinco anos que exceda dos quince de referencia.

Artigo 20º.-Mobilidade funcional.

A mobilidade funcional no seu da empresa, que se efectuará sen prexuízo dos dereitos económicos e profesionais do traballador, estará limitada ós departamentos de comedor e cafetería, entre si, e os de pisos, limpeza e lavandería, tamén entre si, e sempre que as necesidades do servicio así o reclamen, de

acordo co establecido no Estatuto dos traballadores.

Artigo 21º.-Prazos de preaviso.

Os prazos de preaviso, nos casos de cesamento voluntario dos traballadores serán os seguintes:

De 15 días os traballadores encadrados nos niveis 1 e 2; e de 10 días o resto do persoal, segundo o artigo 6º.

O incumprimento deste prazos por parte dos traballadores, dará lugar á perda do que puidese corresponderlles polas partes proporcionais das gratificacións extraordinarias recollidas no artigo 12º.

Artigo 22º.-Horas extraordinarias.

Cada hora de traballo que se realice sobre a duración máxima da semana ordinaria de traballo aboarase cun incremento que non será inferior ó 75% sobre o salario que corresponda a cada hora ordinaria.

Artigo 23º.-Póliza de seguros de accidentes.

A empresa contratará para todo o persoal afectado por este convenio un seguro de accidentes durante a prestación de traballo ou in itinere, de morte ou invalidez permanente nos graos de total, absoluta ou gran invalidez, pola cantidade de 2.500.000 pesetas para cada un dos casos mencionados anteriormente.

Artigo 24º.-Calendario laboral.

A empresa deberá contar cun calendario laboral no que figuren as quendas de traballo, descansos semanais, quendas de vacacións para cada traballador, e festas anuais.

Este calendario laboral será realizado pola representación da empresa e os representantes dos traballadores, tendo que quedar fixo antes do 31 de outubro do ano anterior do que se trate.

A dirección deberá facer unha copia, asinada convenientemente polas representacións respectivas, expoñéndoa nun lugar visible do centro de traballo para coñecemento de tódolos traballadores, así como copia ós representantes.

Artigo 25º.-Día da patrona.

Os días 29 e 30 de xullo, festividade de San Marta, consideraranse festivos para efectos laborais, coa opción por parte da empresa de poder substituílos polo seu pagamento en metálico, co fin de mante-lo normal seu funcionamento. A substitución en metálico será a que corresponda ó traballador polo salario total dunha xornada normal.

Artigo 26º.-Dereitos sindicais.

As garantías sindicais que no artigo 68 do Estatuto dos traballadores se establecen para os membros do comité de empresa e delegados de persoal electos esténdese ós candidatos a aqueles postos e durante os seis meses seguintes de celebradas as eleccións ás que se presentaron pola súa calidade ou condición de candidatos. Recoñécese a existencia de seccións sindicais na empresa, así como de delegados das seccións sindicais, os que terán os mesmos dereitos e garantías que os membros do comité de empresa.

Os traballadores terán dereito a celebrar asembleas, con carácter ordinario, unha vez ó mes, fóra da xornada laboral e cunha duración dunha hora, sen interrompe-la actividade de servicio. Nos demais dereitos observarase o disposto na ordenanza laboral, Estatuto dos traballadores, Lei orgánica de liberdade sindical e demais normas complementarias.

Artigo 27º.-Roupa de traballo.

No caso de seguir esixindo uniformidade, a empresa facilitará a todo o persoal un mínimo de dous uniformes anuais (inverno e verán), aboándolles unha cantidade en concepto de limpeza e mantemento; no caso de non ser obrigatorio o uso do uniforme facilitaráselle-la roupa de traballo adecuada para as funcións que desenvolvan.

Artigo 28º.-Recoñecementos médicos.

Realizarase unha revisión médica anual, o máis completa posible, e que incluirá análises, exploración radiolóxica, auditiva e visual a tódolos traballadores. Dos resultados da dita revisión entregaráselle copia a cada traballador.

Artigo 29º.-Complementos.

Aboarase un complemento persoal, de carácter consolidable, nas contías que figuran nas táboas salariais anexas a este convenio. Este complemento producirase en tódalas pagas e será percibido polo persoal que o 30 de xuño de 1995 estivera prestando servicios na empresa.

Artigo 30º.-Comisión paritaria.

Para a interpretación, aplicación, arbitraxe e vixilancia deste convenio, créase unha comisión paritaria integrada pola representación dos traballadores e da empresa, de acordo co establecido no artigo 85.2º e) do Estatuto dos traballadores.

Artigo 31º.-Resolución de conflictos.

As partes asinantes do presente convenio, adecuándose ó establecido na recomendación número 92 da OIT e no artigo 6 da Carta Social Europea, sobre conciliación, mediacións e arbitraxe voluntaria, acordan, en caso de conflictos non individuais xurdidos como consecuencia da aplicación e interpretación dese convenio colectivo, someterse ós procedementos extraxudiciais de solución de conflictos de traballo establecidos no acordo interprofesional galego (AGA), subscrito entre a Confederación de Empresarios de Galicia (CEG) e as centrais sindicais Comisións Obreiras de Galicia (CC.OO.), Unión Xeral de Traballadores (UGT) e a Confederación Intersindical Galega (CIG), nos propios termos nos que no mesmo están formulados.

TÁBOAS SALARIAIS 1998

Categoría

Nivel

Salario

base

Complemento

Total

ano

Gobernanta	1	132.492	2.295.792
Xefe de comedor	1	132.492	25.000	2.695.792
Xefe de cociña	1	132.492	25.000	2.695.792
Xefe de recepción	1	132.492	35.000	2.855.792
Xefe de administración	1	132.492	2.295.792
Encargado de mostrador	2	117.042	2.048.592
Xefe de sector	2	117.042	2.048.592
Encargado de economato	2	117.042	15.000	2.048.592