En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que na Sección de Mediación, Arbitraxe e Conciliación (SMAC) desta delegación provincial foron depositados, ás 13 horas do día 17 de abril de 1998, a acta de constitución e os estatutos da Asociación de Empresarios de Transportes de Viajeros en Autocar de la Provincia de A Coruña, que teñen os seguintes ámbitos:
Territorial: provincial.
Profesional: todas aquelas persoas físicas ou xurídicas de carácter privado que sexan concesionarias dun servicio público de transporte de viaxeiros.
Asinan a acta de constitución: Javier Castromil Ventureira e dúas persoas máis.
Os estatutos depositados poderán ser examinados por calquera persoa interesada.
A Coruña, 17 de abril de 1998.
María Reyes Carabel Pedreira
Delegada provincial da Coruña
43966