O Estatuto de autonomía de Galicia atribúelle, no seu artigo 29.1º, á Comunidade Autónoma, en coherencia co artigo 149.1.7 da C.E., competencia para a execución da lexislación do Estado en materia laboral, asumindo as facultades, funcións e servicios que neste ámbito e a nivel de execución ostenta actualmente o Estado.

Ante a elevada taxa de desemprego xuvenil existente nos países membros da Unión Europea, o Consello Europeo solicitou da comisión un libro branco sobre a estratexia a medio prazo para o crecemento, a competitividade e o emprego, co fin de nutri-la reflexión e colaborar na toma daquelas decisións rexionais, nacionais ou comunitarias que permitan senta-las bases do desenvolvemento das economías europeas, facendo fronte á competencia internacional e creando ó mesmo tempo os postos de traballo necesarios.

Coa finalidade de intentar palia-la elevada porcentaxe de desemprego na comunidade, a política de emprego da Unión Europea, a través do Fondo Social Europeo, prevé, entre outras medidas, o cofinanciamento, xunto cos diversos poderes públicos dos estados membros, de programas tendentes á consecución do emprego.

A experiencia en Galicia dos últimos anos de aplicación do Plan de Emprego Xuvenil, e o desenvolvemento durante os anos 1996 e 1997 do programa de asesoramento a emprendedores demostra que o autoemprego é un instrumento eficaz para a incorporación ó mercado de traballo, polo que é necesario seguir levando a cabo accións relacionadas cos servicios de información, asesoramento e orientación que lle sirvan ó emprendedor para coñece-la viabilidade do seu proxecto de autoemprego.

No Real decreto 1375/1997, do 29 de agosto, establécese o traspaso á Comunidade Autónoma de Galicia da xestión realizada polo Instituto Nacional de Emprego, no ámbito do traballo o emprego e a formación.

O Decreto 488/1997, do 26 de decembro, polo que se desenvolve a estructura orgánica da Consellería de Familia e Promoción do Emprego, Muller e Xuventude, dispón que é esta o órgano da Xunta de Galicia ó que lle corresponde levar a cabo, entre outras, as funcións en materia de políticas activas de emprego, atribuíndolle, a través da Dirección Xeral de Formación e Colocación, as competencias en materia de formación ocupacional e intermediación no mercado de traballo, colocación e orientación laboral.

O Decreto 12/1997, do 23 de xaneiro, polo que se establecen as bases reguladoras do servicio área do autoemprego, de orientación, formación e axuda ó autoemprego, recolle as accións que comprende a área do autoemprego entre as que se inclúe expresamente a información, asesoramento e orientación ós emprendedores.

O programa que se desenvolve na presente orde axustarase ó disposto nos artigos 78 e 79 da Lei 11/1992, do 7 de outubro, de réxime financeiro e presupostario de Galicia, na Lei de orzamentos da Comunidade Autónoma galega para 1998, no Decreto 52/1994, do 4 de marzo, e na presente orde de convocatoria.

O devandito programa financiarase con cargo á aplicación orzamentaria 14.03.243C.482 dos orzamentos da Comunidade Autónoma para 1998.

Consecuentemente con todo o anterior, e facendo uso da autorización expresa contida na disposición derradeira primeira do Decreto 12/1997, do 23 de xaneiro, consultado o Consello Galego de Relacións Laborais e o Consello Galego de Ensinanzas Técnico Profesionais e o Consello Galego da Xuventude, en exercicio das facultades que me confire o artigo 34 da Lei 1/1983, do 22 de febreiro, reguladora da Xunta e do seu presidente,

DISPOÑO:

Artigo 1º.- Obxecto.

1. A presente orde ten por obxecto o establecemento das bases polas que se rexerá o programa de axudas correspondentes ó servicio da área do autoemprego regulado no Decreto 12/1997, do 23 de xaneiro, que vai desenvolve-la pola Consellería de Familia e Promoción do Emprego, Muller e Xuventude, para o exercicio económico de 1998.

2. Co obxecto de proporcionarlle asesoramento gratuíto ós emprendedores que pretendan crear na Comunidade Autónoma galega o seu propio posto de traballo mediante a constitución, preferentemente, de empresas de economía social, establécense, ó abeiro da presente orde, axudas para aquelas entidades que estando acreditadas conforme o procedemento establecido no Decreto 12/1997, do 23 de xaneiro, colaboren coa Consellería de Familia e Promoción do Emprego, Muller e Xuventude na prestación dos servicios de información, asesoramento e orientación ós emprendedores.

Artigo 2º.- Beneficiarios.

1. As entidades que se atopen inscritas no rexistro de entidades acreditadas conforme ó procedemento regulado no capítulo II do Decreto 12/1997, do 23 de xaneiro, polo que se establecen as bases reguladoras do servicio área do autoemprego, de orientación, formación e axuda ó autoemprego.

1.1. As entidades beneficiarias das axudas previstas na presente orde non poderán subcontrata-la prestación dos servicios de información, orientación e asesoramento.

2. Os emprendedores que precisen información, orientación e asesoramento.

Considérase emprendedor aquela persoa física que teña a vontade de crear, polo menos, o seu propio posto de traballo, mediante a posta en marcha dunha actividade económica, preferentemente a través de fórmulas de economía social e xerenciada por el mesmo.

2.1. Os emprendedores deberán recibir personalmente o asesoramento.

Cápitulo I

Das entidades asesoras

Artigo 3º.- Selección.

As entidades que obtivesen o recoñecemento como entidade acreditada por parte da Dirección Xeral de Formación e Colocación e desexen colaborar como entidades asesoras na área do autoemprego da Consellería de Familia e Promoción do Emprego, Muller e Xuventude poderán facelo sempre que sexan seleccionadas e requiridas polos emprendedores que, presentando a solicitude conforme o disposto no artigo 9º da presente orde, obtivesen resolución favorable.

Artigo 4º.- Axudas.

A Consellería de Familia e Promoción do Emprego, Muller e Xuventude concederalles ás entidades ase

soras, polos servicios de asesoramento que presten ó abeiro da presente orde, unha axuda económica que poderá alcanzar ata un máximo de cinco mil pesetas por hora de asesoría e cincuenta mil pesetas por proxecto asesorado.

Artigo 5º.- Requisitos de aboamento.

Con independencia da súa contía e antes de proceder ó seu cobramento, as entidades beneficiarias das axudas previstas na presente orde terán que acreditar:

a) Que se atopan ó corrente de pagamento nas súas obrigas tributarias e sociais, e que non teñen pendente de pagamento ningunha débeda, por ningún concepto, coa Administración pública da Comunidade Autónoma.

b) Documentación xustificativa de que os gastos para os que se concedeu a subvención foron efectuados e os servicios prestados, respectivamente, entendéndose por documentación xustificativa os vales de asesoramento así como memoria, en modelo oficial, do asesoramento facilitado.

c) Ficha de transferencia bancaria, en modelo oficial, que será facilitada nas respectivas delegacións provinciais da Consellería de Familia e Promoción do Emprego, Muller e Xuventude.

d) Certificado bancario de existencia de conta.

e) Declaración expresa de que non se percibe ningún tipo de axuda da mesma natureza concedida por calquera outra Administración pública.

f) Declaración pola que se expresa a aceptación ás actuacións de comprobación da Consellería de Familia e Promoción do Emprego, Muller e Xuventude previstas no artigo 14.2º do Decreto 52/1994, do 4 de marzo.

Artigo 6º.- Aboamento.

O aboamento das axudas farase efectivo en forma de pagamento con periodicidade trimestral ou en pagamento único, segundo elixa a entidade acreditada.

No caso de optar pola forma de pagamento trimestral, este farase efectivo unha vez recibida a documentación sinalada no artigo 5º, tendo en conta que a xustificación deberá realizarse, en todo caso, antes do día 15 de novembro de 1998.

No caso de que a entidade opte pola modalidade de pagamento único, este farase efectivo unha vez rematado o programa e recibida a documentación indicada no artigo 5º, tendo en conta que a xustificación deberá realizarse, en todo caso, antes do día 15 de novembro de 1998.

Artigo 7º.- Publicidade.

Nas accións que se leven a cabo ó abeiro da presente orde deberá figurar no lugar onde se realicen estas, de forma visible, cartel publicitario, de acordo co modelo proporcionado pola Dirección Xeral de Formación e Colocación, no que se indique que esta acción se atopa cofinanciada pola Xunta de Galicia, Consellería de Familia e Promoción do Emprego, Muller e Xuventude, cos seus respectivos anagramas.

Capítulo II

Dos emprendedores

Artigo 8º.- Axudas.

Os servicios de asesoramento e información seranlles prestados gratuitamente ós emprendedores por parte das entidades asesoras.

Artigo 9º.- Solicitudes.

Os emprendedores que desexen obte-los servicios de información e asesoramento da área do autoemprego

deberán presenta-la solicitude, segundo modelo normalizado que se publica como anexo I á presente orde, acompañado dunha fotocopia compulsada do DNI. Na solicitude deberán facer constar expresamente a entidade acreditada que desexen que lles preste o asesoramento.

Artígo 10º.-Prazo.

Os emprendedores dispoñen do prazo para a presentación de solicitudes ata o 30 de setembro e poderán facer uso dos servicios de información e asesoramento ata o 31 de outubro.

Artígo 11º.-Resolución.

1. As solicitudes dos emprendodores serán resoltas polo director xeral de Formación e Colocación. A resolución seralles notificada ós interesados e xunto con ela entregaráselles un talonario de dez vales de información e outro con dez vales de asesoramento, así como un documento de opción que lle permita ó emprendedor facer cambios de entidade asesora.

2. A resolución dos expedientes deberá realizarse no prazo dun mes contado desde o día seguinte ó do remate do prazo para a presentación das solicitudes.Transcorrido este prazo sen que recaese resolución expresa, esta entenderase desestimatoria.

3. Una vez recaída resolución estimatoria, o emprendedor deberá inicia-los os servicios de información e asesoramento no prazo dun mes e medio desde a notificación da resolución. Transcorrido o dito prazo sen que se iniciasen os servicios, estes entenderanse rexeitados.

Disposicións adicionais

Primeira.- Sen prexuízo das facultades inspectoras que teñan atribuídas outros órganos da Administración do Estado e da Comunidade Autónoma, a Consellería de Familia e Promoción do Emprego, Muller e Xuventude poderá realiza-las comprobacións e verificacións que considere precisas para a constatación do cumprimento do disposto nesta orde e demais normativas vixentes que resulten de aplicación.

Segunda.- O incumprimento total ou parcial de calquera das condicións, así como a duplicación da axuda con cargo a outros créditos dos orzamentos xerais do Estado, da Seguridade Social, Administración institucional, autonómica ou local ou da Unión Europea, constituirán causa determinante de revogación da axuda e do reintegro desta por parte do beneficiario ou solicitante, xunto cos xuros de demora, de acordo co establecido no artigo 78.6º da Lei 11/1992.

Terceira.- A Consellería de Familia e Promoción do Emprego, Muller e Xuventude poderá requirir en todo momento a documentación orixinal que se considere necesaria para acreditar mellor o exacto cumprimento das condicións esixidas no programa desta orde.

Cuarta.- A Consellería de Familia e Promoción do Emprego, Muller e Xuventude poderá asinar convenios de colaboración con entidades públicas ou privadas para desenvolve-las accións recollidas no capítulo primeiro do Decreto 12/1997, do 23 de xaneiro, polo que se establecen as bases reguladoras do servicio da área do autoemprego, de orientación, formación e axuda ó autoemprego, así como para realizar labores de titorías daqueles proxectos empresariais presentados por emprendedores que sexan seleccionados pola Consellería de Familia e Promoción do Emprego, Muller e Xuventude en virtude da súa viabilidade, innovación e complexidade.

Quinta.- A concesión das axudas reguladas na presente orde terá como límite global o crédito asignado nos orzamentos xerais para 1998, da Comunidade Autónoma, para o fin que perseguen.

Disposicións derrradeiras

Primeira.- Facúltase o director xeral de Formación e Colocación para que dicte, no ámbito das súas com

petencias, as resolucións e aclaracións necesarias para o desenvolvemento e cumprimento desta orde.

Segunda.- A presente orde entrará en vigor o día seguinte ó da súa publicación no Diario Oficial de Galicia

Santiago de Compostela, 27 de abril de 1998.

Manuela López Besteiro

Conselleira de Familia e Promoción do Emprego, Muller e Xuventude

3844