Visto o expediente de cambio de dominio que a continuación se menciona, instruído para ós efectos da transmisión da concesión administrativa pertinente e do establecemento que a ampara; tendo en conta que o interesado obtivo a autorización previa prevista no artigo 59.3º da Lei 6/1993, do 11 de maio, de pesca de Galicia (Diario Oficial de Galicia nº 101, do 31-5) e no artigo 10 do Decreto 406/1996, do 7 de novembro (Diario Oficial de Galicia nº 228, do 21-11) e que foi acreditada a transmisión de dereitos invocada e aboado o imposto correspondente.
Esta consellería, en virtude das atribucións conferidas, á vista do informe favorable do Servicio Técnico-Xurídico, acordou accede-lo solicitado, proclamando a nova titularidade da concesión e do establecemento que se relaciona a continuación:
Tipo de establecemento: parque de cultivo.
Cultivo: ameixa (fina e babosa) e berberecho.
Localización: ó SO do illote Insua, praia de Triñáns, distrito marítimo de Caramiñal.
Data da concesión: 15-12-1951 (BOE nº 345).
Data de finalización da última prórroga: 20-2-2002.
Anterior concesionario: Josefa Hermo Suárez.
Novos titulares da concesión e parque de cultivo: Ángel Mariño Hermo e Magdalena García Otero.
Os novos titulares quedan subrogados nos mesmos dereitos e obrigas do anterior concesionario, así como obrigados ó cumprimento das disposicións legais vixentes que lles sexan aplicables e de rango suficiente.
A Coruña, 25 de marzo de 1998.
P.D. (Orde 27-6-1990)
María José Cancelo Baquero
Delegada territorial da Coruña
3071