A Alcaldía deste Concello de Tomiño, e tendo en conta o acordo adoptado en sesión celebrada o día 28-2-1998, respecto de levar a cabo o deslindamento dos predios que de seguido se recollen:
Terreo de propiedade municipal respecto do predio de propiedade de Carlos Álvarez Alfaya:
As características do predio que se vai deslindar son as seguintes:
1. Franxa de terreo de propiedade municipal adxacente a camiño de propiedade muncipal, parroquia de Forcadela, paraxe de Barreiras ou Cumieira.
A superficie deste terreo de propiedade municipal é de 33 m.
As estremas, segundo resulta da documentación que consta no concello, son as seguintes:
Norte: Emilio Verde.
Sur: Carlos Álvarez Alfaya.
Oeste: Carlos Álvarez Alfaya.
Leste: camiño público.
Polo presente decreto e de conformidade co disposto no artigo 60 do vixente regulamento de bens da CC.LL,
RESOLVO:
a) A notificación do expresado acordo tanto ó expresado Carlos Álvarez Alfaya como ó resto dos propietarios lindantes co predio obxecto de deslindamento podendo presenta-los interesados ante a corporación, cantos documentaos se estimasen conducentes á proba e defensa dos seus dereitos ata os 20 días anteriores ó comezo das operacións, os cales se contarán a partir do que faga corenta da publicación do correspondente edicto no BOP e no DOG, advertindo que, transcorrido o devandito prazo, non se admitirán documentos nin alegacións de ningunha clase.
Da documentación que consta no concello ós colindantes co predio que se vai deslindar, á parte do propio Carlos Álvarez Alfaya sería Emilio Verde Rodríguez.
b) Publica-la presente resolución no BOP e no DOG no prazo de polo menos 60 días de antelación á data do inicio das correspondentes operacións, iniciaranse estas o día 10 de xullo de 1998 ás 10 horas no lugar onde se encontran os predios.
O que se fai público para xeral coñecemento.
Tomiño, 11 de abril de 1998.
José Luis Fernández Lorenzo
Alcalde
3462