Examinado o expediente incoado pola titularidade do centro privado concertado Santa Teresa de Jesús de Ourense no que solicita a ampliación dunha unidade de educación primaria.
Resultando que o expediente foi tramitado pola Delegación Provincial de Educación e Ordenación Universitaria de Ourense que o envía cos informes emitidos pola inspección de educación e pola unidade técnica.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), a disposición derradeira primeira do Decreto 133/1995, do 10 de maio (DOG do 22), a Orde do 20 de setembro de 1995 (DOG do 15 de decembro), polo que se desenvolve o antedito decreto.
Considerando que o devandito centro privado ten autorización definitiva para impartir educación primaria. Esta dirección xeral,
RESOLVEU:
Autorizarlle a ampliación dunha unidade de educación primaria ó centro privado que se relaciona no anexo da presente resolución, facendo constar que, para a posta en funcionamento dela, a titulación do profesorado deberá axustarse ó establecido no Real decreto 1004/1991.
Santiago de Compostela, 20 de marzo de 1998.
Severino Somoza Gómez
Director xeral de Centros e Inspección Educativa
ANEXO
Provincia de Ourense.
Concello: Ourente.
Localidade: Ourente.
Enderezo: r/ Peña Trevinca, 2.
Denominación: Santa Teresa de Jesús.
Titular: Hermanas Carmelitas de la Caridad.-Composición resultante:
Centro de educación infantil: 5 unidades.
Centro de educación primaria: 18 unidades.
Centro de educación secundaria: 12 unidades de educación secundaria obrigatoria.
Centro de bacharelato de 8 unidades coas modalidades seguintes: ciencias da natureza e da saúde e humanidades e ciencias sociais.
3036