De conformidade co disposto no artigo 79 da LCAP e acordo da Comisión de Goberno de trece de marzo de 1998 anúnciase concurso, con procedemento aberto, para a adquisición dun terreo na parroquia de Cabovilaño para a construcción dunha pista polideportiva descuberta.
1. Obxecto do contrato: adquisición dun terreo na parroquia de Cabovilaño para a construcción dunha pista polideportiva municipal.
A parcela ofertada terá un mínimo de 3.000 metros cadrados e un máximo de 4.100 metros cadrados, que permitan inscribir un rectángulo de 56 por 24 metros.
O terreo será sensiblemente horizontal.
O terreo será fronte á vía pública que permita o acceso rodado, posibilidade de abastecemento de auga e subministración de enerxía eléctrica.
2. Tipo de licitación: catro millóns oitenta mil pesetas, máximo.
3. Pagamento: o pagamento do prezo farase efectivo con cargo á partida nº 108.511 6.2.1.00.
4. Publicidade dos pregos: estarán de manifesto tódolos días hábiles nas oficinas municipais.
5. Exposición do prego de cláusulas administrativas particulares: durante os oito primeiros días hábiles, seguintes ó da publicación do anunico, supendéndose a licitación no caso de impugnación.
6. Presentación de proposicións: durante os vinteseis días naturais seguintes ó da publicación do anuncio no BOP.
7. Garantía provisional: 84.800 ptas.
8. Apertura de proposicións: ás trece horas do terceiro día hábil seguinte a aquel en que remate o prazo de presentación de proposicións, no salón de sesións da Casa do Concello, agás se fose sábado; neste caso diferirase ó primeiro día hábil.
9. Modelo de proposicións: o recollido na cláusula nº 7 do prego de condicións.
Laracha, 18 de marzo de 1998.
Jesús Rama Becerra
Alcalde
3221