No uso da competencia sobre as axudas do fondo nacional de asistencia social a anciáns e a enfermos ou inválidos incapacitados para o traballo, reguladas polo Real decreto lexislativo 2620/1981, do 24 de xullo, e en virtude do disposto no artigo 59 da Lei 30/1992, de réxime xurídico das administracións públicas e do procedemento administrativo común, ó seren devoltas polo servicio de correos as resolucións provisionais enviadas no seu día; notificándoselles ós citados, no anexo, a resolución dictada en relación co seu expediente do fondo nacional de asistencia social pola Delegación de Sanidade e Servicios Sociais desta provincia.

Contra esta resolución provisional poderán formular, dentro dos dez días seguintes, á data en que se publique este edicto as alegacións e probas pertinentes ante esta Delegación Provincial de Sanidade e Servicios Sociais. Transcorrido o prazo de dez días, sen que se formulen alegacións, a presente resolución elevarase a definitiva, podendo interpoñer contra ela, dentro do mes seguinte, recurso ordinario ante o conselleiro de Sanidade e Servicios Sociais conforme o disposto nos artigos 107.1º e 114 da Lei 30/1992, de réxime xurídico das administracións públicas e do procedemento administrativo común, do 26 de novembro. En caso de non interpoñe-lo mentado recurso deberán verificar, no prazo improrrogable de quince días, o ingreso da débeda, especificada no anexo, na conta nº 112.925 «pensión do fondo de asistencia social» na oficina principal do Banco Pastor de Santiago de Compostela.

Lugo, 18 de marzo de 1998

Luis Abades Álvarez

Delegado provincial de Lugo

3173