Convocada, pola Orde do 8 de outubro de 1997 (DOG nº 207, do 27 de outubro), a provisión, polo sistema de libre designación, de postos de traballo vacantes nos servicios periféricos da Consellería de Sanidade e Servicios Sociais e do Servicio Galego de Saúde, esta consellería, de conformidade co previsto no artigo 27.2º da Lei 4/1988, do 26 de maio, da función pública de Galicia, e nos artigos 16 e 17 do Decreto 93/1991, do 20 de marzo, e en uso das facultades que lle confire o artigo 15.4º da devandita lei,
DISPÓN:
Primeiro.-Resolver definitivamente a convocatoria pública para a provisión, polo sistema de libre designación, de postos de traballo vacantes nos servicios periféricos da Consellería de Sanidade e Servicios Sociais e do Servicio Galego de Saúde, anunciada pola Orde do 8 de outubro de 1997 (DOG nº 207, do 27 de outubro), e resolta parcialmente pola Orde do 23 de decembro de 1997 (DOG nº 5, do 9 de xaneiro de 1998).
Segundo.-Adxudicar destino, no posto de traballo que se indica, ó funcionario que se relaciona no anexo á presente orde.
Terceiro.-O persoal mencionado deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto.-Contra a presente orde, que esgota a vía administrativa, poderase interpoñer recurso conten
cioso-administrativo, previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia no prazo de dous meses a partir do día seguinte ó da súa publicación, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 10 de marzo de 1998.
José Mª Hernández Cochón
Conselleiro de Sanidade e Servicios Sociais
ANEXO
Apelidos e nome: Ratón Castedo, Mª Isabel.
NRP: 3381880824 A1146.
Grupo: D.
Nivel C.D.: 16.
Corpo ou clase: auxiliar da Administración do Estado.
Posto de traballo: secretaria do director provincial.
Dependencia: Dirección Provincial do Sergas.
Localidade: Lugo.
2840