En cumprimento do disposto no artigo 4 do Real decreto 873/1997, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que na sección de Mediación, Arbitraxe e Conciliación (SMAC) desta delegación provincial, foron depositados ás 11 horas do día 6 de marzo de 1998 a acta de constitución e os estatutos da Asociación de Armadores de Artes Varias y Mariscadores de la Ría de Muros y Noia (Arvama), que teñen os seguintes ámbitos:
Territorial: provincial.
Profesional: todas aquelas persoas físicas que, estando no seu pleno exercicio da súa capacidade xurídica e de obrar, cumpran co requisito indispensable de ser armador, mariñeiro ou mariscador e acepten as condicións fixadas nos presente estatutos.
Asinan a acta de constitución: Jesús María Siaba Fernández e oito persoas máis.
Os estatutos depositados poderán ser examinados por calquera persoa interesada.
A Coruña, 6 de marzo de 1998.
María Reyes Carabel Pedreira
Delegada provincial da Coruña
2580