Examinado o expediente incoado pola titularidade do centro privado La Laguna da Coruña en solicitude de cesamento de actividades no dito centro.
Resultando que o antedito centro privado obtivo autorización para o funcionamento legal con data do 15 de setembro de 1973 para unha unidade de preescolar.
Vistos o Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (Diario Oficial de Galicia do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (Diario Oficial de Galicia do 15 de decembro) que o desenvolve.
Visto o informe favorable da Delegación Provincial da Coruña.
Esta consellería, por proposta da Dirección Xeral de Centros e Inspección Educativa,
DISPÓN:
Autoriza-lo cesamento de actividades do centro privado que se relaciona no anexo da presente orde, quedando nulas e sen ningún efecto as disposicións que autorizan o funcionamento legal do devandito centro.
Santiago de Compostela, 27 de febreiro de 1998.
Celso Currás Fernández
Conselleiro de Educación e Ordenación Universitaria
ANEXO
Provincia da Coruña
Código do centro: 15004253.
Concello: A Coruña.
Localidade: A Coruña.
Enderezo: La Laguna, 13.
Denominación: La Laguna.
Titular: María Dolores Moscoso Ríos.
Autorización do cesamento de actividades do centro.
2638