A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (Diario Oficial de Galicia do 6 de xuño) da Consellería de Sanidade e Servicios Sociais, convoca-lo seguinte concurso público:

Contratación do proxecto e reforma de dous ascensores do Complexo Hospitalario Cristal-Piñor.

Orzamento máximo de licitación: 15.750.000 ptas. (IVE incluído).

Forma de adxudicación: procedemento aberto mediante concurso público 4/1998, tramitado con carácter urxente.

Prazo de execución: 5 meses, iniciándose o seu cómputo o día seguinte ó da comprobación do replanteo.

Admisión de variantes: non se admiten.

Solvencia económica e financeira: acreditarase segundo o disposto no artigo 16, apartados a) e c) da LCAP.

Solvencia técnica: acreditarase segundo o disposto no artigo 17, apartados b), c) e e) da LCAP.

Clasificación económica: non se require.

Fianza provisional: 2% do orzamento de licitación.

Fianza definitiva: 4% do orzamento de licitación.

Criterios de adxudicación: experiencia no sector: 5 puntos; relación prezo/calidade: 4 puntos; mellora-lo prazo de execución: 1 punto.

Documentación de interese para os licitadores: os pregos de cláusulas administrativas particulares e prescricións técnicas e demais documentación complementaria poden ser solicitados na Unidade de Contratación do complexo hospitalario, rúa Ramón Puga nº. 52 (edificio de administración, planta baixa) de Ourense, en días laborables, agás sábados, das 9 ás 13 horas.

Presentación de proposicións: presentaranse en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no Diario Oficial de Galicia, ou enviadas por correo dentro do prazo sinalado. No caso de que o dito día coincida en sábado ou festivo, o prazo de presentación rematará o día hábil seguinte.

Cando as proposicións se envien por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (988) 38 55 50 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa á Dirección de Xestión do complexo hospitalario, ás 9 horas do décimo primeiro día natural contados desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que achegarán os licitadores: os documentos sinalados no prego de cláusulas administrativas particulares e prescricións técnicas.

Anuncios: o pagamento dos anuncios do presente concurso público será por conta do adxudicatario do contrato.

Ourense, 9 de marzo de 1998.

Pedro A. Soler Bordoy

Director xerente do Complexo Hospitalario Cristal-Piñor de Ourense

2163