O artigo 3.1º do R.d. 1594/1997, do 17 de outubro, que regula a deducción por investimentos destinados á protección do medio ambiente, dispón que para poder aplica-la deducción será necesario que a Administración competente certifique en cada caso a validación do investimento destinado á protección do medio ambiente e establece o contido da dita certificación na que debe consta-la idoneidade dos investimentos en relación coa función protectora do medio ambiente, polo que é preciso determina-la documentación que debe presentarse para obte-la dita certificación. Por todo isto, en virtude do preceptuado no artigo 4 do Decreto 482/1997, do 26 de decembro,

RESOLVO:

A documentación que se debe presentar para obte-la certificación de validación do investimento destinado á protección do medio ambiente para efectos de poder aplica-la deducción por investimentos reguladas polo R.D. 1594/1997, do 17 de outubro, será a seguinte:

Primeiro.-Indicación do plan, programa, convenio ou acordo aprobado ou celebrado por esta Administración na que se pretenda fundamenta-la deducción.

Segundo.-Para efectos de determina-la idoneidade dos investimentos realizados coa función protectora do medio ambiente e que estas permiten alcanza-los números de protección previstos no plan, programa, convenio ou acordo establecido, memoria na que se recollan os seguintes extremos:

2.1. Relación das instalacións que teñan por obxecto algunha das seguintes finalidades previstas nos parágrafos a), b) ou c) do artigo 1 do R.D. 1594/1997, do 17 de outubro.

2.2. Outros elementos patrimoniais do inmobilizado material destinados á protección do medio ambiente.

2.3. Plan xeral de actuación con programa temporal que recolla:

2.3.1. Fase enxeñería.

2.3.2. Construcción con detalle.

2.3.3. Fase de explotación.

2.4. Estudio económico e financeiro do investimento co seu desenvolvemento temporal separando o investimento propio e a subvención ó investimento.

2.5. No caso de actividade en funcionamento, a preceptiva licencia de actividade, permiso de vertido, se é o caso, e o dictame de avaliación ambiental que fose necesario.

Tercero.-Plan de explotación das instalacións cos tratamentos.

Cuarto.-Plan de control de ensaios por laboratorio homologado propio e independente.

Quinto.-Proxecto técnico incluíndo o proxecto constructivo.

Sexto.-Se se trata de investimentos realizados antes da posta en funcionamento das instalacións, deberase realizar unha auditoría ambiental externa na que se recollan os valores dos parámetros ambientais que serven para caracteriza-lo grao previo de contaminación que hai que eliminar.

Santiago de Compostela, 13 de marzo de 1998.

Francisco Pan-Montojo González

Director xeral de Calidade e Avaliación Ambiental

2598