O Decreto 329/1995, do 21 de decembro, que desenvolve a Lei 8/1994, do 30 de decembro, de creación do Instituto Galego de Consumo, no seu artigo 9 e o artigo 4 do Decreto 183/1996, do 9 de maio, polo que se crea a estructura orgánica do Instituto Galego de Consumo, establecen que entre as funcións do xerente se atopa a de propoñe-la ordenación de pagamentos.

A delegación de competencias permite a axilización administrativa necesaria que redunda en beneficio, tanto da administración como dos administrados, dentro do máis rigoroso respecto ás garantías xurídicas que a tutela dos intereses públicos esixe.

Na súa virtude e facendo uso das atribucións que me confiren os decretos anteriormente citados e o artigo 13 da Lei 30/1992, de 26 de novembro, de réxime xurídico das administracións públicas e do procedemento administrativo común, e demais disposicións de xeral aplicación,

RESOLVO:

Artigo único.-Delegar nos xefes dos servicios de Protección ó Consumidor, de Información e Educación do Consumidor e de Asuntos Xerais, no ámbito das súas respectivas competencias, as funcións de propostas de autorización de gastos, disposición de créditos, recoñecemento de obrigas, así como a proposta de ordenación de pagamentos, relativos ós capítulos 1 gastos de persoal e 2 gastos en bens correntes e servicios, dentro dos límites dos créditos autorizados.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 23 de marzo de 1998.

Mª Jesús Muñoz Chesa

Xerente do Instituto Galego de Consumo

2040