Por instancia de parte interesada, e en cumprimento das formalidades que este xurado estima oportunas, faise público o seguinte acordo:
«Reunido na data 19 de decembro de 1997 o Xurado Provincial de Montes Veciñais en Man Común da Coruña, en relación á solicitude de recoñecemento da titularidade da parroquia de S. Xoán de Laíño sobre o monte Cruz de Avelán, decidiu acata-la sentencia do Tribunal Superior de Xustiza de Galicia con data do 19 de xuño de 1997 nos termos descritos nela, e abri-lo prazo para a constitución da comunidade do monte veciñal en man común Cruz de Avelán, de acordo co descrito no artigo 37 do Regulamento de montes veciñais (Decreto 260/1992, do 4 de setembro, publicado no Diario Oficial de Galicia do 23 de setembro de 1992)».
A sentencia do Tribunal Superior de Xustiza de Galicia, do 19 de xuño de 1997, declara que o monte veciñal en man común Cruz de Avelán é da exclusiva propiedade, en réxime de comunidade xermánica, da comunidade veciñal de San Xoán de Laíño, e segrega o dito monte e comunidade do monte veciñal en man común Balouta e Fontecova, da comunidade das parroquias de S. Xoán de Laíño e Sta. María de Dodro. De acordo co descrito na sentencia e conforme a orde ministerial, do 19 de novembro de 1970, aprobatoria do deslindamento, o monte veciñal en man común Cruz de Avelán ten as seguintes características:
Monte: Cruz de Avelán.
Comunidade: parroquia de S. Xoán de Laíño.
Concello: Dodro.
Superficie: 915,07 ha.
Lindeiros:
Procede do monte Cruz de Avelán, nº 250 do catálogo de utilidade pública.
Parcela I. Superficie 911,65 ha. Norte: monte Campo Longo, nº 287 do CUP, no termo do concello de Rois. Leste: monte Balouta, nº 249 do CUP, e predios de veciños da parroquia de S. Xoán de Laíño. Sur: estrada de Padrón a Sta. Uxía de Ribeira; predios de veciños da parroquia de S. Xoán de Laíño; estrada de Padrón a Sta. Uxía de Ribeira; predios de veciños da parroquia de S. Xoán de Laíño; monte Pena e Leoiras, nº 277 do CUP, no termo do concello de Rianxo; predios de veciños da parroquia de S. Xoán de Laíño; e monte Pena e Leoiras, nº 277 do CUP, no termo do concello de Rianxo. Oeste: monte Ferreiría e Campelo, nºs. 275 e 273 do CUP, no termo do concello de Rianxo; predios de veciños
da parroquia de S. Xoán de Laíño; monte Ferreiría e Campelo, nºs. 275 e 273 do CUP, no termo do concello de Rianxo; predio de veciños de Araño; predios de veciños da parroquia de S. Xoán de Laíño; monte Ferreiría e Campelo, nºs. 275 e 273 do CUP, no termo do concello de Rianxo, predios de veciños das parroquias de S. Xoán de Laíño e Araño; e monte Ferreiría e Campelo, nºs. 275 e 273 do C.U.P., no termo do concello de Rianxo.
Parcela II. Superficie 1,57 ha. Norte: predio de veciños de Foxacos. Leste: predios de veciños de Foxacos e Taragoña. Sur: predio de veciños de Taragoña. Oeste: monte Ferreiría e Campelo, nºs. 275 e 273 do CUP, no termo do concello de Rianxo; e predio de veciños de Foxacos.
Parcela III. Superficie 0,87 ha. Norte: río Regañada. Leste: predios de veciños da parroquia de S. Xoán de Laíño. Sur: predios de veciños da parroquia de S. Xoán de Laíño. Oeste: predios de veciños da parroquia de S. Xoán de Laíño.
Parcela IV. Superficie 0,98 ha. Norte: predio de veciños da parroquia de S. Xoán de Laíño. Leste: predio de veciños da parroquia de S. Xoán de Laíño. Sur: predio de veciños da parroquia de S. Xoán de Laíño. Oeste: predios de veciños da parroquia de S. Xoán de Laíño.
A Coruña, 19 de decembro de 1997.
Manuel Puente Araújo
Secretario do Xurado Provincial de Montes
Veciñais en Man Común da Coruña
Visto e prace
Rogelio Aramburu Núñez
Presidente do Xurado Provincial de Montes
Veciñais en Man Común da Coruña
2069