Visto o texto do acordo asinado o día 27-1-1998, pola comisión negociadora do convenio colectivo para o sector de transportes de mercadorías por estrada (código 2700505), da provincia de Lugo, integrada pola representación da Asociación de Transportes Discrecionales de Mercancías por Carretera (Tradime), da Asociación de Empresarios de Agencias de Carga Fraccionada, e da Asociación de Agencias de Carga Completa (ATC), e das centrais sindicais CC.OO, CIG

e UGT, mediante o que se acorda aproba-la táboa salarial pa ra o ano 1998, no ámbito do referido convenio, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo. Esta delegación provincial,

ACORDA:

Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto do mentado convenio á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia.

Lugo, 10 de febreiro de 1998.

José María Fernández Olea

Delegado provincial de Lugo

ACTA

Asistentes:

-Pola parte empresarial:

Asociación de Transportes Discrecionales de Mercancías por Carretera (Tradime):

-José Luis Cigarran Aenlle

-José Manuel Flores Castro

-Carmen Castelao Muiña

-Alfonso Parga López

Asociacion de Empresarios de Agencias de Carga Fraccionada:

-José Antonio Orozco Fernández

Asociación de Agencias de Carga Completa (ATC):

-Antonio Fernández Fernández

-Polas centrais sindicais:

CC.OO. (31,4%)

José Mª Gómez López

En Lugo, sendo as 17.30 horas do día 27 de xaneiro de 1998, reúnense nos locais da CEL (praza de Santo Domingo, nº 6-8, 2º de Lugo) as persoas á marxe relacionadas, todas elas integrantes da comisión negociadora do convenio colectivo para o sector de transporte de mercadorías por estrada da provincia de Lugo, adoptándose, logo de amplos debates, os seguintes acordos:

Primeiro.

Aproba-la táboa salarial anexa que entrará en vigor o 1 de xaneiro de 1998.

Segundo.-Plus de convenio.

Os traballadores afectados polo convenio colectivo de transporte de mercadorías por estrada da provincia de Lugo percibirán durante o ano 1998 un plus de 11.454 pesetas mensuais, cotizable á Seguridade Social.

Terceiro.-Complemento persoal de idiomas.

Nos casos en que proceda, os traballadores afectados polo convenio colectivo de transporte de mercadorías por estrada da provincia de Lugo percibirán durante o ano 1998 un complemento de 12.136 pesetas.

Cuarto.-Axudas de custo.

A contía das axudas de custo para o ano 1998 queda establecida nas cantidades que seguidamente se relacionan:

Destacamento: 4.043 pesetas.

España e Portugal: 4.625 pesetas.

Resto de Europa: 5.840 pesetas.

Quinto.-Os atrasos, por diferencia de salarios, producidos como consecuencia da publicación das táboas salariais aprobadas pola presente resolución faranse efectivos nos 30 días seguintes á publicación da presente acta.

Sexto.-O salario mínimo do convenio para o ano 1998 será de 87.206 pesetas mensuais.

Sétimo.-Remiti-la presente acta e as táboas salariais anexas á autoridade laboral competente para os efectos legais oportunos.

E, en proba de conformidade, asinan a presente acta os á marxe sinalados, en lugar e data sinalados no encabezamento.

Táboa salarial do convenio

transporte mercadorías por estrada

Vixencia 1-1-1998 ó 31-12-1998

1821