Visto o expediente da revisión salarial para o ano 1998 do convenio colectivo do sector de maioristas de froitas, hortalizas e plátanos da provincia da Coruña, que tivo entrada nesta delegación provincial o día 12-2-1998, subscrito en representación da parte

económica pola Asociación Provincial de Asentadores y Mayoristas de Frutas e da parte social por CC.OO. o día 19-1-1998, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 20 de febreiro de 1998.

Mª Reyes Carabel Pedreira

Delegada provincial da Coruña

Acta da reunión da comisión paritaria

do convenio colectivo provincial do sector de

maioristas de froitas varias, hortalizas e plátanos

Asistentes:

Pola parte empresarial: Víctor Dopico, Rafael Verdía.

Pola parte social: Olga Montes (CC.OO.), Juan Carlos Esparza (CC.OO.), José Ramón Grela (CC.OO. asesor).

Na Coruña o 19 de xaneiro de 1998, ás 19 horas, reúnense os integrantes da comisión paritaria do convenio colectivo do sector de froitas varias, hortalizas e plátanos da provincia da Coruña, co obxecto de aplica-los incrementos económicos pactados para o ano 1998 no convenio colectivo vixente.

Para o efecto acordan:

1º Aprobar como táboas salariais para o ano 1998 as que figuran como anexo l desta desta acta, resultantes de aplica-los incrementos establecidos no artigo 22 do vixente convenio colectivo.

2º O plus de transporte para 1998 pasa a ser de 6.156 pesetas mensuais.

3º A contía das axudas de custo será para 1998 a seguinte: comida (1.026 pesetas), comida e cea (1.642 pesetas), comida, cea e noite (2.822 pesetas); en caso de superar estas condicións, presentaranse as facturas correspondentes.

4º En caso de que o IPC real do ano 1998 supere o 2,6%, producirase unha revisión polo dito exceso con efectos do 1-1-1998.

5º Autorizar a José Ramón Grela para que proceda a cumpri-los trámites precisos para proceder ó rexistro, depósito e publicación desta acta e das táboas salariais.

Sen máis asuntos que tratar, levántase a reunión, ás 20 horas do día máis arriba indicado.

Convenio colectivo provincial do sector

de maioristas de froitas varias, hortalizas

e plátanos da Coruña

ANEXO I

Táboas salariais ano 1998

2179