De conformidade co establecido no artigo 9 do Regulamento de selección de persoal da Administración da Comunidade Autónoma de Galicia, apro
bado polo Decreto 95/1991, do 20 de marzo, cómpre realizar, previa á convocatoria dos procesos de selección e con validez para todos eles, o sorteo público no que se determinará a orde de actuación dos aspirantes nos procesos de selección que se deriven da oferta de emprego público correspondente ó ano 1998. O resultado do dito sorteo deberá ser recollido en cada convocatoria.
En consecuencia, resólvese celebra-lo mencionado sorteo en acto público o día 24 de marzo ás 10 horas no salón sito na última planta do edificio da Consellería da Presidencia e Administración Pública, edificio de San Caetano, en Santiago de Compostela.
Santiago de Compostela, 12 de marzo de 1998.
Dositeo Rodríguez Rodríguez
Conselleiro da Presidencia e Administración Pública
2192