Aprobado pola Comisión de Goberno deste concello o prego de cláusulas administrativas que rexerán no concurso, con procedemento aberto, trámite de urxencia, para a execución das obras comprendidas no proxecto de demolición de planta baixo cuberta en Chancelas, 67; exponse ó público durante o prazo de catro días contados a partir do seguinte ó da publicación deste anuncio no BOP para que se poidan presentar alegacións. Simultaneamente anúnciase o concurso.
Entidade adxudicadora:
a) Organismo: Concello de Poio.
b) Dependencia: secretaría.
Obxecto do contrato:
a) Descrición: a contratación da execución das obras incluídas no proxecto de demolición de planta baixo cuberta en Chancelas, 67.
Tramitación, procedemento e forma de adxudicación:
a) Tramitación: urxente.
b) Procedemento: aberto.
c) Forma: concurso.
Tipo de licitación: fíxase na cantidade de 6.585.400 ptas.
Duración do contrato: tres meses.
Garantías: provisional polo importe do 2% do importe do tipo e definitiva do 4%.
Obtención de documentación e información:
a) Entidade: Concello de Poio: Servicio de Contratación. Domicilio: praza do Mosteiro, 1. Poio. Tfno: 77 00 38. Fax: 77 12 77.
b) Data límite para obtención de documentos e información: o día anterior ó de remate de presentación de ofertas.
Presentación de proposicións: no rexistro xeral do concello, de 9 a 14 horas, durante o prazo de trece días naturais contados a partir do seguinte ó da publicación deste anuncio no BOP.
Apertura de proposicións: pola mesa de contratación, no salón de sesións da Casa do Concello, ás 13.30 horas do día seguinte hábil (que non cadre en sábado) ó do remate do prazo de presentación de ofertas.
Gastos de anuncios: por conta do adxudicatario.
Criterios de adxudicación: os sinalados na cláusula 10ª do prego.
Poio, 4 de marzo de 1998.
Luciano Sobral Fernández
Alcalde
1751