A Xerencia do Complexo Hospitalario Provincial-Rebullón de Pontevedra, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG do 6 de xuño) da Consellería de Sanidade e Servicios Sociais, convoca o seguinte concurso público:

1. Nome e enderezo do servicio: Servicio de Subministracións e Contratación Administrativa do Complexo Hospitalario Provincial-Rebullón de Pontevedra. Hospital provincial, r/ Loureiro Crespo, 2,

36001 Pontevedra. Teléfono (986) 86 23 63. Fax: (986) 84 79 41.

2. Categoría do servicio e descrición: categoría 14 limpeza de edificios, por un importe total de 189.000.000 de ptas., IVE incluído.

3. Lugar de execución: Hospital Provincial de Pontevedra.

4. a) Posibilidade de que, conforme a normas legais, regulamentarias ou administrativas, se reserve a prestación do servicio a unha determinada profesión: non.

b) Referencia á dita norma legal, regulamentaria ou administrativa:

c) Posibilidade de que as persoas xurídicas deban indica-los nomes e a cualificación do responsable da execución do servicio: si.

5. Posibilidade de que os prestadores de servicios liciten para unha parte dos servicios de que se trate: non.

6. Se é o caso, prohibición de variantes: non se admiten variantes.

7. Duración do contrato ou prazo para realiza-lo servicio: desde a formalización do contrato ata o 31 de decembro de 1998, aínda que poderá ser obxecto de prorróga por mutuo acordo das partes.

8. a) Nome e enderezo do servicio ó que pode solicitarse a documentación pertinente: o que figura no punto 1.

b) Prazo para efectua-la dita solicitude: 13 de abril de 1998.

c) Se é o caso, gastos de obtención dos ditos documentos e modalidades de pagamento: non.

9. a) Data límite de recepción de ofertas: 20 de abril de 1998.

b) Persoas admitidas para asistiren á apertura de plicas: apertura en acto público.

c) Data, hora e lugar de apertura das ofertas: na sala de xuntas do edificio administrativo no Hospital Provincial de Pontevedra, a partir das 9 horas do día 4 de maio de 1998.

10. Garantías esixidas:

a) Provisional: 2% do orzamento máximo autorizado.

b) Definitiva: 4% do orzamento autorizado.

Constituirase segundo o disposto nos artigos 36 e 37, respectivamente, da Lei 13/1995, do 18 de maio, de contratos das administracións públicas.

11. Modalidades básicas de financiamento e de pagamento e/ou referencias ás disposicións pertinentes: mensual, en diñeiro.

12. Se é o caso, forma xurídica que deberá achega-la unión de empresas adxudicatarias do contrato: nos termos previstos no artigo 24 da Lei 13/1995.

13. Datos referentes á situación do prestador de servicios e datos e formalidades necesarias para avalia-las condicións mínimas de carácter económico e técnico ás que deberá axustarse o prestador de servicios: as condicións que se establecen nos apartados 7 e 8 do prego de cláusulas administrativas particulares.

14. Prazo durante o cal o licitador está obrigado a mante-la súa oferta: durante 3 meses, desde a data de apertura das proposicións.

15. Criterios que se utilizarán para a adxudicación do contrato e, se é posible, orde de importancia:

*Calidade técnica: 50%.

*Prezo ofertado: 40%.

*Innovacións actualizacións e achega de melloras: 10%.

16. Información complementaria: ver servicio que figura no punto 1.

17. a) Data do anuncio de información previa.

b) Data de envío do anuncio: 26 de febreiro de 1998.

18. Data de recepción do anuncio pola oficina de publicacións oficiais das comunidades europeas (reservado á OPOCE).

Pontevedra, 13 de febreiro de 1998.

Alfredo García Iglesias

Director xerente do Complexo Hospitalario

Provincial-Rebullón de Pontevedra