A Dirección Provincial do Servicio Galego de Saúde da Coruña, en virtude das atribucións que lle foron delegadas conforme o establecido na Orde do 22-5-1996 do conselleiro de Sanidade e Servicios Sociais sobre delegación de competencias en órganos centrais e periféricos do Sergas, convoca o seguinte concurso público, polo procedemento aberto, para a contratación dun servicio para transportar mostras analíticas entre os centros de sáude e os laboratorios do Hospital Materno Infantil Teresa Herrera e o Complexo Hospitalario Juan Canalejo da Coruña.
Servicio: transporte de mostras analíticas.
Orzamento: 5.098.071 ptas., IVE incluído.
Fianza provisional: 2% do orzamento de licitación.
I. Forma de adxudicación: concurso público, procedemento aberto.
II. Prazo de execución: desde a sinatura do contrato o 31-12-1998.
III. Admisión de variantes: non se admiten.
IV. Solvencia económica e financeira: acreditarase de acordo co establecido noa rtigo 16 da Lei 13/1995, de contratos das administracións públicas e no prego de cláusulas administrativas particulares.
V. Solvencia técnica: acreditarase de acordo co establecido no apartado 6.2 da folla de especificacións.
VI. Criterios de adxudicación: ver prego de cláusulas administrativas particulares e folla de especificacións.
VII. Documentos de interese para os licitadores: o prego de cláusulas administrativas particulares e demais documentación complementaria estará de manifesto e á disposición dos concursantes para o seu exame, na Dirección Provincial do Sergas da Coruña r/ Durán Loriga, nº 3-4º planta, tódolos días laborables, excepto os sábados, desde as 9 h ata as 14 h.
VIII. Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no rexistro xeral da Dirección Provincial do Sergas da Coruña, antes das 14 h do vixéximo sexto día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correso e anunciarlle ó órgano de contratación a remisión da oferta mediante fax (981) 18 56 78 ou telegrama no mesmo día, de conformidade co establecido no punto 9 do prego de cláusulas administrativas particulares.
IX. Apertura das proposicións: a apetrua das proposicións admitidas será realizada pola mesa de contratación, reunida en acto público na sala de xuntas da Dirección Provincial do Sergas da Coruña, r/ Durán Loriga, nº 3, a partir das 10 h do décimo primeiro día natural, contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
X. Documentación que deberán presenta-los licitadores: os documentos que figuran no prego de cláusulas administrativas particulares.
XI. Anuncios: o pagamento do anunico do presente concurso público será por conta do adxudicatario ou adxudicatarios do contrato ou contratos.
A Coruña, 16 de febreiro de 1998.
Antonio V. Martínez Calvo
Director provincial da Coruña
