Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:
-Solicitante: Unión Eléctrica-Fenosa, S.A.
-Enderezo social: Avda. Arteixo, 171, 15000 A Coruña.
-Denominación: L.M.T., R.B.T.
-Situación: Ares-Rilo, Mugardos.
-Descricións técnicas: liña eléctrica aérea a 20 kV, de 10 m de lonxitude, con conductor LA-56, con orixe na liña de M.T. Cornido-Franza, centro de transformación tipo intemperie de 50 kVA e R.B.T. de 626 m de lonxitude, conductor R.Z. e apoios de formigón, no lugar de Rilo, municipio de Mugardos.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, e dos artigos 52 e 53 da Lei 40/1994, do 30 de decembro, sobre autorización e expropiación forzosa das instalacións eléctricas, esta delegación provincial resolve,
Autorizar, declarar de utilidade pública e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
Contra esta resolución poderase interpoñer recurso ante o conselleiro de Industria e Comercio no prazo dun mes, segundo o artigo 114 da Lei 30/1992, do 26 de novembro.
A Coruña, 5 de febreiro de 1998.
Jesús Espada Martínez
Delegado provincial da Coruña