Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Sociedade Electricista de Tui, S.A.
Enderezo social: Coruña, 20, 36700 Tui.
Denominación: L.M.T. Ribadelouro-Fábricas e Ribadelouro-Campo fútbol e C.T.
Situación: Tui.
Descricións técnicas: L.M.T. Ribadelouro-Fábricas, a 20 kV, de 1.364 m de lonxitude, con conductor tipo LA-56, sobre apoios de formigón e metálicos, entre a derivación de Fábricas e a L.M.T. Fábricas existente. L.M.T. Ribadelouro-Campo fútbol, a 20 kV, de 335 m de lonxitude, con conductor tipo LA-56, sobre apoios metálicos, entre a derivación Fábricas e o C.T. que se proxecta en Campo de fútbol. Ámbalas dúas liñas no concello de Tui. C.T. de 160 kVA, relación de transformación 20 kV-380/220 V.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Pontevedra, 8 de xaneiro de 1998.
Carmen Bianchi Valcarce
Delegada provincial de Pontevedra