Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Electra del Cabalar, S.L.
Enderezo social: Arnoso, 1, 15613 A Capela.
Denominación: L.M.T., C.T. e R.B.T. de Fiunte.
Situación: A Capela.
Descricións técnicas: L.M.T. aérea a 15/20 de 507 m de lonxitude en conductor LA-30, que parte da L.M.T. Calzados-Barreiro e final no C.T. que se construirá en Fiunde de 100 kVA a 15.000/380 V e a súa rede de baixa tensión. Concello da Capela.
Cumpridos os trámites ordenados nos capítulos III e IV do Decreto 2617/1996, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismo ou corporacións que constan no expediente.
A Coruña, 22 de xaneiro de 1998.
Jesús Espada Martínez
Delegado provincial da Coruña