Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Eléctrica-Fenosa, S.A.
Enderezo social: Sáenz Díez, 45, 32000 Ourense.
Denominación: L.M.T., C.T. e R.B.T. da rúa Salvador Dalí (Ourense).
Situación: r/ Salvador Dalí, Ourense.
Descricións técnicas: L.M.T. subterránea de 20 kV conductor R.H.V.-12/20 kV-3x150 Al de 120 m de lonxitude, desde a L.M.T. existente no C.T. Gal. O Couto-C.T. Estadio-1, ata o C.T. proxectado en local da rúa Salvador Dalí, de 630 kVA R.D.T. 20.000/380-220 V e R.B.T. de 130 m.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, das que as características se axustarán en tódolas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Ourense, 7 de xaneiro de 1998.
Alfredo Cacharro Pardo
Delegado provincial de Ourense