Ramón Lojo Aller, maxistrado-xuíz do Xulgado do Penal número un dos de Santiago de Compostela e o seu partido:

Fago saber que na executoria 77/1997, seguida por delicto de usurpación contra Evaristo de la Fuente Recouso, acordouse sacar a poxa pública, por primeira, segunda e terceira vez, e polo termo de vinte días, o ciclomotor propiedade do penado Evaristo de la Fuente Recouso; ciclomotor marca Mobilette, con bastidor número 916690, con matrícula municipal CI-0568, en bo estado de conservación e funcionamento; valorado pericialmente en corenta e cinco mil pesetas (45.000 ptas.).

Para o acto da poxa sinálase o próximo día 23 de febreiro de 1998 ás doce horas na sala de audiencia deste xulgado e os días 16 e 30 de marzo de 1998 ás doce horas para o suposto de que non houbese licitadores, respectivamente na primeira e segunda poxa.

Advírtese ós licitadores:

1) Que servirá de tipo para a primeira poxa o prezo de taxación de corenta e cinco mil pesetas (45.000 ptas.), as 2/3 partes para a segunda, e a terceira, se for o caso, celebrarase sen suxeición a tipo.

2) O remate non se poderá facer en calidade de cedelo a un terceiro.

3) Para tomaren parte na poxa deberán consignar na mesa do xulgado o 20% do tipo polo que sae a poxa; e en tódalas poxas desde o anuncio ata a súa celebración, poderanse facer ofertas por escrito en prego cerrado, xuntando o resgardo do depósito da consignación no BBV, oficina principal de Santiago de Compostela, número de conta 66.000-4, clave 1585, concepto 78, executorio 99/1994.

O ciclomotor e a súa documentación encóntranse en poder do seu propietario Evaristo de la Fuente Recouso, sito na rúa San Lourenzo, nº 47, Santiago de Compostela.

Dado en Santiago de Compostela o dezaseis de xaneiro de mil novecentos noventa e oito.

Rubricado