As comisións de seleccióin das prazas de xerentes das fundacións para o desenvolvemento das comarcas de Ordes, Bergantiños, Ortegal, Terra de Melide, Arzúa, Terra de Lemos, A Fonsagrada, A Ulloa, Os Ancares, Valdeorras, Terra de Celanova, O Carballiño, O Deza, A Paradanta, Tabeirós-Terra de Montes, O Salnés e Baixo Miño, na reunión levada a cabo o pasado día 18 de febreiro de 1998, tomaron
o acordo de facer públicos os criterios de valoración das probas de selección da convocatoria das prazas publicadas no Diario Oficial de Galicia con data 7 e 16 de xaneiro de 1998.
A baremación das probas axustarase ós seguintes criterios:
a) Valoración do currículum vitae:
Criterios máxima
Puntuación
1. Responsabilidade na xestión de fundacións ou empresas, cooperativas, asociacións e outras institucións (grupos de cotización á Seguridade Social 1 ou 2) (puntuación 0,2/mes) 4
2. Promoción e xestión de programas comunitarios (puntuación 0,1/mes) 1
3. Promoción e xestión de iniciativas de desenvolvemento (puntuación 0,1/mes) 1
4. Coñecemento da lingua galega (cursos de iniciación e perfeccionamento) 0,5
5. Coñecemento de informática 0,5
Puntuación total 7
A puntuación máxima que se poderá conseguir na valoración do currículum é de 7 puntos.
b) Proba tipo test de coñecementos específicos. A puntuación máxima que se poderá acadar nesta proba é de 10 puntos.
c) Entrevista persoal. A puntuación máxima que se poderá obter por este concepto é de 5 puntos.
Santiago de Compostela, 18 de febreiro de 1998.
Andrés Precedo Ledo
Presidente das comisións de selección
