A Comisión de Goberno, en virtude da delegación do alcalde, do 15-7-1996, na sesión con data do 19-1-1998, acordou aprobar, con carácter inicial, o estudio de detalle formulado mediante iniciativa particular por Jorge Fontenla Coello, en interese das entidades mercantís Deca Promociones, S.L. e Áridos Gallegos, S.L., coa finalidade de reaxustar determinacións e delimitación do plan parcial do polígono B-4 de Fontesanta do plan xeral de ordenación urbana, sendo redactado este documento polos arquitectos Cordeiro Rodríguez, Davila Alonso, Jiménez López e Meijide Rico, e visado pola delegación en Pontevedra do Colexio Oficial de Arquitectos de Galicia con data 11-12-1997, modificándose o estudio de detalle no que atinxe ó apartado referido ós espacios libres de uso público de titularidade municipal, posto que as instalacións efectuadas sobre estas piscinas e pistas deportivas terán a condición de bens municipais de servicio público, polo que se corrixe o estudio de detalle nese

apartado, debendo ser aclarada pola promotora a relación de propietarios previamente á información pública, sen prexuízo do cal se lles notificará este acto a todos aqueles propietarios que figuren na documentación do presente expediente.

Así mesmo, nese mesmo acto acordouse a apertura do trámite de exposición pública e notificación ós propietarios e demais interesados directamente afectados comprendidos no ámbito territorial do estudio de detalle, determinándose que, con carácter previo á súa aprobación definitiva, o concello deberá resolver por medio das formas de xestión que considere máis axeitadas o mantemento e utilización das instalacións deportivas citadas, no sentido sinalado neste acto.

Durante o prazo dun mes, contado a partir da publicación deste anuncio no Diario Oficial de Galicia, poderá examinarse o expediente na Unidade Municipal de Fomento (rúa dona Tareixa) e formularse as alegacións procedentes, servindo tamén este anuncio de notificación, ó abeiro do disposto no artigo 59 da Lei 30/1992, a tódolos propietarios ou interesados no procedemento directamente afectados que non poidan ser notificados individualmente, ben por descoñecidos ou porque se ignore o lugar de notificación, enderezo, medio ou porque a notificación no se puido practicar.

Pontevedra, 29 de xaneiro de 1998.

Juan Luis Pedrosa Fernández

Alcalde

Julio Dapena Outomuro

Secretario general