De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona, a incoación do expediente sancionador, por infracción da Lei 7/1992, do 24 de xullo, sobre pesca fluvial en Galicia.

Que, así mesmo, designo instructor do expediente a Pilar Pita Ponte e secretaria a Mercedes Valdés Rodríguez.

O que se notifica, para os efectos previstos no artigo 29 da devandita Lei de réxime xurídico das administracións públicas e do procedemento administrativo común, podendo recusalos en calquera momento do expediente por algunha das causas previstas no artigo 28 da mentada lei.

Para os efectos previstos na Lei de réxime xurídico das administracións públicas e do procedemento administrativo común, os denunciados disporán dun prazo de quince días hábiles, contados a partir do seguinte ó da publicación desta notificación, para formula-las alegacións, achegar documentos ou achega-las probas que conveñan no seu dereito, advertíndolles que de non efectuar alegación ningunha no prazo fixado, este acordo de incoación poderá ser considerado proposta de resolución, de darse os supostos previstos no artigo 13 do Real decreto 1398/1993, do 4 de agosto (BOE do 9-8-1993).

Pontevedra, 27 de xaneiro de 1998.

José Luis Díez Yáñez

Delegado provincial de Pontevedra

ANEXO

Expediente: P-252/1997.

Denunciado e último enderezo coñecido: Feliciano Vidal Miranda. O Viso-Tuimil, 30. Redondela.

Feito denunciado: navegar con neumáticos inflados entorpecendo a práctica da pesca no couto Soutomaior facendo caso omiso ás observacións do pescador denunciante, o día 15 de agosto de 1997, no río Oitavén, no concello de Soutomaior.

Precepto infrinxido: artigo 33.8º da Lei 7/1992, de pesca fluvial.

Precepto sancionador: artigo 33 da Lei 7/1992, do pesca fluvial.

Sanción: 5.000 ptas.