De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan, a proposta de resolución por infracción da Lei 7/1992, do 24 de xullo, de pesca fluvial.

Para os efectos previstos no artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, os denunciados no prazo de 15 días hábiles, contados a partir do seguinte ó da publicación desta resolución, poderán examina-lo expediente, no Servicio de Medio Ambiente Natural, sito na rúa Benito Corbal, 47-5ª planta, e presentar ante o instructor as alegacións que consideren convenientes.

Pontevedra, 28 de xaneiro de 1998.

P.O.

Pilar Pita Ponte

Instructora

ANEXO

Expediente: P-52/1997.

Denunciado e último enderezo coñecido: Jesús Villar Pereira. Rúa Doutor Corbal. 19, Vigo.

Feito denunciado: non respecta-las dimensións mínimas das especies ó capturar unha troita de 11,5 cm (cando a dimensión mínima autorizada é de 19 cm) e non devolvela ó río, o día 23 de marzo de 1997, no río Verdugo, concello de Ponte-Caldelas.

Precepto infrinxido: artigo 33.9º da Lei 7/1992, de pesca fluvial en relación co artigo 2 da Orde do 17-2-1997 pola que se fixan os períodos hábiles de pesca e normas relacionadas con ela na Comunidade Autonóma de Galicia durante a temporada 1997.

Precepto sancionador: artigo 33 da Lei 7/1992, de pesca fluvial.

Sanción: 5.000 ptas. e indemnización de 1.000 ptas.

Expediente: P-235/1997.

Denunciado e último enderezo coñecido: Antonio Lorenzo Vázquez. Areal-Canudo, 82, Redondela.

Feito denunciado: utilizar con fins de pesca instrumento de uso prohibido (fisga); o denunciado no momento da súa identificación tiña a fisga introducida no cauce do río, o día 23 de xullo de 1997, no río Alvedosa, concello de Redondela.

Precepto infrinxido: artigo 35.5º da Lei 7/1992, de pesca fluvial.

Precepto sancionador: artigo 35 da Lei 7/1992, de pesca fluvial.

Sanción: 500.001 ptas. e inhabilitación para obte-la licencia de pesca un ano e un día.