De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan, as resolucións dos ditos expedientes, por infracción da Lei 7/1992, do 24 de xullo, sobre pesca fluvial en Galicia.
1. Contra dita resolución e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común,
e no prazo dun mes contado a partir do día seguinte ó desta publicación, poderá interpoñer recurso ordinario ante o conselleiro de Agricultura, Gandería e Montes. Transcorrido o prazo de interposición do recurso sen que este fora presentado, esta resolución será firme para tódolos efectos.
2. O importe da sanción así como o da indemnización, farase efectivo, dentro do prazo de quince días contados desde o momento en que a resolución sexa firme, na conta 120.596, do Banco Pastor (0072) oficina principal (0401), de non facelo dentro do prazo sinalado procederase ó seu cobro pola vía de constrinximento.
3. O rescate do comisado, no caso de que que se trate de utensilios de uso lícito, poderá obterse logo do pagamento da contía total da sanción e indemnización dentro do prazo establecido no parágrafo anterior.
Pontevedra, 27 de xaneiro de 1998.
José Luis Díez Yáñez
Delegado provincial de Pontevedra
ANEXO
Expediente: P-157/1997.
Denunciado e último enderezo coñecido: José Enrique Castro. Lestrobe-Dodro (A Coruña).
Feito denunciado: pescar con engado non autorizado en ríos salmoneiros (miñoca de mar), sendo sorprendido coa cana na man e o engado dentro da auga, o día 17 de maio de 1997, no río Ulla, concello de Dodro.
Precepto infrinxido: artigo 33.9º da Lei 7/1992, de pesca fluvial.
Precepto sancionador: artigo 33 da Lei 7/1992, do pesca fluvial.
Sanción: 20.000 ptas.
Expediente: P-220/1997.
Denunciado e último enderezo coñecido: Benedicto Gómez Romero. Rúa Santander, 4-1º Vigo.
Feito denunciado: pescar unha robaliza de 30 cm de lonxitude cando o mínimo autorizado é de 36 cm segundo o artigo 2 da Orde do 17-2-1997 da Consellería de Agricultura, Gandería e Montes, negándose a entrega-la robaliza ós axentes para o seu comiso, o día 19 de xullo de 1997, no río Verdugo, concello de Pontevedra.
Precepto infrinxido: artigo 33.9º da Lei 7/1992, de pesca fluvial.
Precepto sancionador: artigo 33 da Lei 7/1992, de pesca fluvial.
Sanción: 5.000 ptas. e indemnización de 500 ptas.
