Visto o expediente iniciado por instancia de Joaquín Gómez Burgos, actuando en nome e representación da sociedade limitada Playa de Santamariña que solicita concesión e permiso de actividade para a instalación dunha depuradora e centro de expedición, no lugar de Santamariña-Dorrón-Sanxenxo.

Tendo en conta que a súa tramitación se realizou de acordo coa Lei 6/1993, do 11 de maio, de pesca de Galicia; Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre; Lei 22/1988, do 28 de xullo, de costas, e o Real decreto 1471/1989, do 1 de decembro, polo que se aproba o Regulamento xeral para o desenvolvemento e execución da citada Lei 22/1988.

Tendo en conta que con data do 20-11-1997 a Dirección Xeral de Costas (Ministerio de Medio Ambiente) outorga a concesión de ocupación de dominio público marítimo-terrestre con destino a tuberías de toma e desaugadoiro relativas á instalación do establecemento.

Tendo en conta a documentación e os informes que figuran no expediente, así como a proposta da Delegación Territorial desta consellería en Pontevedra, logo do informe do Servicio Técnico-Xurídico, esta consellería,

RESOLVE:

Outorgarlle a Playa de Santamariña, S.L., con CIF B-36.056.778, concesión e permiso de actividade para a posta en funcionamento e explotación do seguinte establecemento:

-Establecemento auxiliar de acuicultura integrado por:

*Estación depuradora de moluscos.

*Centro de expedición de moluscos.

-Situación: lugar de Santamariña-Dorrón, concello de Sanxenxo (Pontevedra).

-Dominio público: 388 m para toma de auga de mar e desaugadoiro.

-Dominio privado: 700 m.

Nave de 400 m

*1 Piscina de 52,25 m

*2 Piscina de 44,00 m

*3 Piscina de 60,32 m

*1 Piscina de 72,80 m

*2 Piscina de 49,60 m

*1 Piscina de 45,80 m

Total superficie depuración: 539,01 m

Baixo as seguintes condicións:

Primeira: o permiso de actividade outórgase por un prazo de 10 (dez) anos, contados desde a publicación da presente orde no Diario Oficial de Galicia, prorrogables por períodos máximos doutros 10 (dez) anos, logo da petición do interesado presentada dentro dos sesenta días anteriores ó remate da vixencia.

O prazo de vixencia dos títulos habilitantes, así como das prórrogas que no seu día se puidesen outorgar, para o permiso de actividade e a concesión de ocupación do dominio público, deberán ser coincidentes.

Segunda: a situación e as obras de instalación do establecemento axustaranse ós planos e proxectos presentados. As obras deberán comezar no prazo de dous (2) meses, e deberán quedar rematadas no prazo máximo de 2 (dous) anos. O seu remate comunicaráselle á Delegación Territorial desta consellería en Vigo, para os efectos de practicar, previamente á posta en funcionamento, a inspección destas.

Terceira: o titular contrae a obriga de manter en bo estado o dominio público, obras e instalacións. Estas e mailo establecemento a que fai referencia esta concesión e permiso de actividade non poderán alugarse nin ser destinadas a usos distintos dos autorizados. Baixo ningún concepto poderán modifica-las instalacións, agás que medie permiso expreso desta consellería.

Cuarta: sen prexuízo da caducidade da concesión da ocupación do dominio público marítimo-terrestre, ó amparo do disposto na resolución da Dirección Xeral de Costas do 20-11-1997, o permiso de actividade ó que se refire este outorgamento, extinguirase por incumprimento dalgunha das condicións desta orde e nos casos previstos no artigo 72 da Lei 6/1993, de pesca de Galicia, e no artigo 6 do Decreto 193/1993, do 5 de xuño.

Quinta: o establecemento debe cumpri-lo disposto na Lei 6/1993, do 11 de maio, de pesca de Galicia, así como no Real decreto 308/1992, do 26 de febreiro, polo que se aproba o Regulamento técnico-sanitario que fixa as normas aplicables á comercialización dos moluscos bivalvos vivos e demais concordantes que lle sexan de aplicación.

Sexta: o outorgamento desta concesión e permiso de actividade non exime o seu titular da obtención

doutras licencias, permisos e autorizacións legalmente procedentes.

Sétima: o titular xustificará o pagamento á Facenda Pública do imposto que grava as concesións e autorizacións administrativas (transmisións patrimoniais e actos xurídicos documentados) ou acreditará a declaración de non estar suxeito o acto ó dito imposto, feita pola delegación de Facenda ou oficina liquidadora correspondente.

Contra a presente orde, que é definitiva en vía administrativa, poderase interpoñer recurso contencioso-administrativo no prazo de dous (2) meses, que se contarán a partir do día seguinte ó da súa publicación no Diario Oficial de Galicia, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei reguladora da xurisdicción contencioso-administrativa, do 27 de decembro de 1956, despois de comunicarllo a esta consellería, segundo o previsto no artigo 110.3 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 28 de xaneiro de 1998.

Amancio Landín Jaráiz

Conselleiro de Pesca, Marisqueo e Acuicultura