Con data do 26 de decembro de 1997, o Instituto Galego de Promoción Económica (Igape) e as entidades financeiras asinaron unha addenda ó convenio de apoio financeiro para a renovación da flota galega, asinado o 21 de maio de 1996, co obxecto de prorroga-lo prazo para a resolución dos expedientes de axuda financeira presentados ó amparo deste, así como a ampliación da liña de financiamento pola contía necesaria para cubri-la demanda existente.
En virtude do exposto, de conformidade coa Lei 5/1992, do 10 de xuño, de creación do Igape e o seu regulamento, aprobado polo Decreto 317/1992, do 12 de novembro, e en virtude das facultades que teño conferidas,
RESOLVO:
En cumprimendo do disposto no artigo 78 da Lei 22/1992, do 11 de outubro, de réxime financeiro e presupostario de Galicia, e co obxecto de darlle
unha adecuada difusión, faise público o texto da addenda ó convenio e a relación de entidades que a subscribiron, que figura como anexo I.
Santiago de Compostela, 30 de decembro de 1997.
José Antonio Orza Fernández
Presidente do Instituto Galego de Promoción
Económica
Addenda ó convenio de apoio financeiro para a renovación da flota galega asinado entre o Igape e as entidades financeiras, o 21 de maio de 1996.
No convenio asinado entre o Igape e as entidades financeiras o 21 de maio de 1996, co obxecto de establecer unha liña de apoio financeiro para a renovación da flota galega, establécese que o prazo de presentación de solicitudes no Igape finaliza o 28 de novembro de 1997, e a súa vixencia para a concesión de novas operacións de subsidiación será ata o 31 de decembro de 1997. Dado que os expedientes de solicitude de axuda financeira presentados en prazo superaron as previsións iniciais, tanto no referente ó número coma ó importe total, faise necesario prorroga-lo prazo para a concesión, así como a ampliación da liña de financiamento pola contía necesaria para cubri-la demanda existente.
Por isto, convense, de mutuo acordo entre o Igape e as entidades financeiras, en subscribi-la addenda
ó convenio asinado o 21 de maio de 1996 coas seguintes:
CLÁUSULAS
Primeira.-Prorrógase o prazo de vixencia para a concesión de novas operacións de subsidiación ata o 30 de xuño de 1998.
Segunda.-As condicións financeiras das disposicións de fondos ata o límite de 3.600 millóns de pesetas, contía recollida na cláusula cuarta, apartado 3 do convenio subscrito o 21 de maio de 1996, permanecen invariables nos termos establecidos no mencionado convenio.
Terceira.-De acordo coa addenda ó convenio Igape, ICO e a Consellería de Pesca, Marisqueo e Acuicultura, subscrita o día 23 de decembro de 1997, o ICO amplía os fondos de financiamento por un importe de ata 900 millóns de pesetas, nas seguintes condicións:
O tipo de xuro (TAE) de cesión de fondos polo ICO á entidade financeira podera ser fixo ou variable, por petición dos beneficiarios, e cun prazo de ata 12 anos desde a data en que os fondos sexan aceptados polas entidades financieras nas condicións ofertadas polo ICO.
O ICO Ofertará, nos termos recollidos no contrato de financiamento asinado coas entidades financeiras, e en función das modificacións establecidas nesta addenda, os tipos de xuro TAE máximos que serán aplicables ás disposicións de fondos solicitadas. Esta oferta indicará o tipo de cesión á entidade financeira que será o tipo de partida ICO, sen bonificación, o cal poderá ser incrementado en ata 1,75 puntos durante os sete primeiros anos, e en ata 1,50 puntos durante os cinco anos restantes.
Nos préstamos formalizados a tipo de xuro variable, o tipo aplicable ó beneficiario final, a partir do segundo ano e durante os seis anos seguintes, revisarase de acordo, ó tipo de partida ICO, sen bonificación, maila marxe de intermediación de 1,75 puntos, ós tipos establecidos pola entidade financeira, con base exclusiva no MIBOR a 1 ano (TAE), coas súas propias datas e referencias, máis ata 1,75 puntos porcentuais.
Durante os cinco últimos anos, o tipo de xuro aplicable revisarase anualmente de acordo ó tipo de cesión do ICO sen bonificación, ó que se lle aplicará unha marxe de ata 1,50 puntos porcentuais, ou ós tipos establecidos pola entidade financeira con vase exclusiva no MIBOR a 1 ano (TAE) coas súas propias datas e referencias máis ata 1,50 puntos porcentuais.
Enténdese por MIBOR para efectos deste contrato o tipo de xuro no Mercado Interbancario de Madrid, obtido da cotización reflectida na pantalla REUTER MBOR ás 11 horas, ou outra que no futuro a puidera substituír. Se á data de revisión non fora posible obter esta cotización, tomaríase a do primeiro día hábil seguinte.
O Igape subsidiará cun máximo de ata 4 puntos porcentuais o tipo de xuro das operacións de préstamo.
En consecuencia co anterior, e no que se refire á ampliación do financiamento ata 900 millóns de pesetas, as condicións financeiras aquí establecidas substitúen as fixadas na cláusula cuarta, apartado 3 e 6 do convenio subscrito o 21 de maio de 1996.
Para o resto das condicións non recollidas nesta addenda, observarase o especificado no convenio subscrito o 21 de maio de 1996.
E en proba de conformidade, así o din, asinan e outorgan por duplicado exemplar e para único efecto, en Santiago de Compostela, 26 de decembro de 1997.
ANEXO I
Relación de entidades financeiras que subscriben a addenda ó convenio de apoio financeiro para a renovación da flota galega.
CaixasBancos
Caixa GaliciaBanco Bilbao Vizcaya
CaixavigoBanco Pastor
Banco Popular
