Convócase a concurso público, por procedemento aberto, trámite de urxencia, para a subministración de diversa moblaxe para os laboratorios da facultade de ciencias.

O prego de cláusulas administrativas particulares para a contratación de subministración por concurso público pódese retirar na xerencia, Servicio de Xestión Económica, na sede do rectorado, sita en r/ Maestranza, s/n, A Coruña, de luns a venres e das 9 ás 14 horas.

As propostas presentaranse no rexistro xeral da universidade, r/ Maestranza, s/n, de luns a venres e das 9 ás 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da xerencia; se este día coincide en sábado, realizarase o luns seguinte á mesma hora.

Orzamento de contratación:

-Lote 1: doce millóns cincocentas cincuenta mil pesetas (12.550.000).

-Lote 2: vintecinco millóns de pesetas (25.000.000).

-Lote 3: catro millóns seiscentas mil pesetas (4.600.000).

Garantía provisional:

-Lote 1: duascentas cincuenta e unha mil pesetas (251.000).

-Lote 2: cincocentas mil pesetas (500.000).

-Lote 3: noventa e dúas mil pesetas (92.000).

A Coruña, 19 de xaneiro de 1998.

P.D. (Resolución 30-3-1990)

José María Pujalte Giménez

Rector da Universidade da Coruña

542