Data de iniciación: 19-1-1995.

A Consellería de Cultura, Comunicación Social e Turismo, a través da Xerencia de Promoción do Camiño de Santiago, no uso das súas competencias e baseándose no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro de 1992) e no artigo 5 da Lei 3/1996, do 10 de maio, de protección dos camiños de Santiago (DOG nº 101, do 23 de maio de 1996),

ACORDA:

Primeiro.- Someter a información pública o expediente de delimitación e deslinde da Vía da Prata.

Segundo.- O expediente estará exposto durante o prazo de dous meses contados a partir da publicación do presente acordo no Diario Oficial de Galicia, nas dependencias das delegacións provinciais da Consellería de Cultura, Comunicación Social e Turismo das provincias de Ourense, Pontevedra e A Coruña, nos servicios centrais que a consellería ten no edificio administrativo San Caetano, bloque

5, de Santiago de Compostela, así como nos concellos polos que pasa o devandito camiño:

-Provincia de Ourense: A Mezquita, A Gudiña, Riós, Vilardevós, Verín, Monterrei, Cualedro, Trasmiras, Xinzo de Limia, Sandiás, Allariz, Taboadela, S. Cibrao das Viñas, Ourense, Coles, Amoeiro, Vilamarín, S. Cristovo de Cea, Piñor, Vilariño de Conso, Castrelo do Val, Laza, Sarreaus, Vilar de Barrio, Xunqueira de Ambía, Baños de Molgas, Paderne, Oímbra.

-Provincia de Pontevedra: Dozón, Lalín, Silleda, A Estrada.

-Provincia da Coruña: Vedra, Boqueixón, Santiago de Compostela.

Por non tratarse dunha resolución firme de delimitación e deslinde, contra este acordo non cabe interpoñer ningún recurso, aínda que os interesados, segundo o establecido nos artigos 86 e 107 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE, nº 285, do 27 de novembro de 1992), poderán realiza-las alegacións que consideren oportunas para opoñerse a el, sen prexuízo da posibilidade de recorrer contra a resolución que, no seu día, poña fin a este procedemento.

Santiago de Compostela, 13 de xaneiro de 1998.

José Mª Sánchez González

Secretario xeral da Consellería de Cultura,

Comunicación Social e Turismo

166