Na sesión celebrada o día 13 de xaneiro de 1998 polo tribunal designado para xulga-las probas selectivas para o acceso ás categorías 2, 15, 19 e 25 do grupo I do persoal laboral fixo da Xunta de Galicia, convocadas por orde da Consellería da Presidencia e Administración Pública do 2 de decembro de 1996 (DOG nº 242, do 12 de decembro de 1996), acordouse:
1º Que o primeiro exercicio para os aspirantes admitidos no proceso selectivo para o acceso ás categorías 2, 15, 19 e 25 do grupo I terá lugar o día 30 de xaneiro de 1998, ás 10 horas, na Escola Galega de Administración Pública, sita na rúa de Madrid 2-4 de Santiago de Compostela.
O chamamento para a entrada dos opositores no lugar de celebración do exercicio comezará ás 9.30 horas.
2º Os aspirantes deberán comparecer provistos de documento identificativo (base II.2.3 e base II.3.2), de lapis do nº 2 e goma de borrar.
Santiago de Compostela, 14 de xaneiro de 1998.
Joaquín López-Rúa Soler
Presidente do tribunal