Na sesión celebrada o día 12 de xaneiro de 1998 polo tribunal III-1E designado para xulga-las probas selectivas para o acceso á categoría 5 (intendente//encargado/a de establecemento//encargado/a de almacén) do grupo III do persoal laboral fixo da Xunta de Galicia, convocadas pola orde da Con
sellería da Presidencia e Administración Pública do 2 de decembro de 1996 (DOG nº 242, do 12 de decembro), acordouse:
1º Que o primeiro exercicio para os aspirantes admitidos no proceso selectivo para o acceso á categoría 5 (intendente//encargado/a de establecemento//encargado/a de almacén) do grugo III terá lugar o día 29 de xaneiro de 1998, ás 11 horas na Escola Galega de Administración Pública (EGAP), sita na rúa Madrid 2-4 (polígono das Fontiñas) en Santiago de Compostela.
O chamamento para a entrada dos opositores no lugar de celebración do exercicio comezará ás 10.30 horas.
2º Os aspirantes deberán comparecer provistos de documento identificativo (base II.2.3 e base II.3.2), de lapis do nº 2 e goma de borrar.
Santiago de Compostela, 12 de xaneiro de 1998.
Arturo Hermida Paredes
Presidente do tribunal