Na sesión celebrada o día 14 de xaneiro de 1998 polo tribunal III-1 designado par xulga-las probas selectivas para o acceso ás categorías 49, axente auxiliar de Inspección de Transportes; 64, oficial 1ª tractorista// tractorista// operador/a maquinaría pesada; 86, oficial 1ª mecánico/a, do grupo III do persoal laboral fixo da Xunta de Galicia, convocadas por orde da Consellería da Presidencia e Administración Pública do 2 de decembro de 1996 (DOG nº 242, do 12-12-1996), acordouse:
1º Que o segundo exercicio para os aspirantes aprobados no primeiro exercicio do proceso selectivo para o acceso ás categorías 49, axente auxiliar de Inspección de Transportes; 64, oficial 1ª tractorista// tractorista// operador/a maquinaria pesada; 86, oficial 1ª mecánico/a do grupo III, do persoal laboral fixo da Xunta de Galicia, terá lugar ás 17 horas no salón de actos da Consellería da Presidencia e Administración Pública sita en San Caetano, Santiago de Compostela, nas datas que se sinalan:
Día 27 de xaneiro de 1998, categoría 49, axente auxiliar de Inspección de Transportes.
Dia 29 de xaneiro de 1998, categoría 86, oficial 1ª mecánico/a.
Día 3 de febreiro de 1998, categoría 64, oficial 1ª tractorista// tractorista// operador/a maquinaria pesada.
O chamamento para a entrada dos opositores no lugar de celebración do exercicio comezará ás 16.50 horas.
2º Os aspirantes deberán comparecer provistos de documento identificativo (base II.2.3 e base II.3.2) e de bolígrafo.
Santiago de Compostela, 15 de xaneiro de 1998.
Pablo Figueroa Dorrego
Presidente do tribunal