Eu, F. Javier Clemente Lázaro, secretario da Administración de Xustiza con destino no Xulgado de Primeira Instancia e Instrucción número dous de Ribeira, dou fe e testemuño de que no libro de sentencias dictadas por este xulgado en procedementos civís consta a recaída nos autos, cun encabezamento e parte dispositiva do teor literal seguinte:
Sentencia. En Ribeira o catorce de novembro de mil novecentos noventa e sete.
Vistos por Luisa María Pérez Rúa, xuíza do Xulgado de Primeira Instancia e Instrucción número dous de Ribeira e o seu partido, os presentes autos de xuízo de divorcio seguidos co nº 110/1997, por instancia de Antonia del Río Vidal, representada pola procuradora Peleteiro Bandín, asistida polo letrado Fajardo Otero, contra Vicente Alvés Dieste e con intervención do Ministerio Fiscal.
Vistos os preceptos legais citados e demais de xeral e pertinente aplicación.
Decido que, estimando parcialmente a demanda presentada pola procuradora Peleteiro Bandín, en nome e representación de Antonia del Río Vidal, debo declarar e declaro disolto por divorcio o matrimonio contraído por esta e Vicente Alvés Dieste o día 2 de xullo de 1986, manténdose as medidas adoptadas en sentencia de separación e que se dan aquí por reproducidas, agás as descritas no fundamento xurídico 3º no que se refire á patria potestade e réxime de visitas, todo sen facer especial imposición de custas.
Notifíqueselles esta resolución ós rexistros civís correspondentes para os efectos legais.
Esta resolución non é firme e contra ela cabe recurso de apelación no prazo de cinco días para ante a Audiencia Provincial da Coruña.
A sentencia anterior foi lida e publicada polo xuíz que a subscribe en audiencia pública do mesmo día da súa data.
E para que así conste e lle sirva de notificación en forma ó demandado en situación procesual de rebeldía Vicente Alvés Dieste, expido e asino a presente cédula en Ribeira, catorce de novembro de mil novecentos noventa e sete.
O secretario
Rubricado
10473