Celebrado o acto de elección de destino definitivo e publicada no Diario Oficial de Galicia nº 231, do día 28 de novembro de 1997, a resolución da Dirección Xeral de Recursos Humanos do organismo, do 20 de novembro de 1997, pola que se ordena a publicación da relación de aspirantes aprobados con indicación da praza que lles corresponde no concurso-oposición convocado por Resolución do 19 de xuño de 1995 para o ingreso nas categorías do grupo técnico da función administrativa e ATS/DUE de persoal estatutario do Servicio Galego de Saúde, e unha vez rematado o prazo para a presentación da correspondente documentación e examinada esta, procede agora, de conformidade co establecido na base novena da dita Resolución do 19 de xuño de 1995, publicar no Diario Oficial de Galicia unha resolución na que se declare rematado para as ditas categorías o concurso-oposición, se nomean os aspirantes seleccionados como persoal estatutario fixo do Servicio Galego de Saúde na categoría correspondente e

se adxudique, con carácter de destino definitivo, a praza correspondente.

Por todo isto, esta dirección xeral,

ACORDA:

Primeiro.-Declarar rematado o concurso-oposición convocado por Resolución do 19 de xuño de 1995 para o ingreso como persoal estatutario do Servicio Galego de Saúde nas categorías do grupo técnico da función administrativa e ATS/DUE.

Segundo.-Nomea-los aspirantes seleccionados para cada unha das ditas categorías que se inclúen no anexo da presente resolución como persoal estatutario fixo do Servicio Galego de Saúde.

Terceiro.-Adxudicarlles ós ditos aspirantes con carácter de destino definitivo a praza correspondente que figura no devandito anexo da presente resolución.

Cuarto.-Os aspirantes nomeados disporán dun prazo dun mes para incorporarse á praza adxudicada. O cómputo do dito prazo iniciarase o día seguinte ó da publicación da presente resolución no Diario Oficial de Galicia.

Quinto.-A dita toma de posesión da praza correspondente efectuarase no centro de xestión á que pertenza ésta.

Sexto.-De non producirse a devandita toma de posesión, sen causa xustificada, quedará sen efecto

o nomeamento do aspirante como persoal estatutario fixo e perderanse tódolos dereitos derivados da súa participación no proceso selectivo.

Séptimo.-A incorporación ás prazas adxudicadas levará aparellado, de se-lo caso, o cesamento do persoal estatutario fixo en comisión de servicios e do persoal temporal que as ocupe.

Oitavo.-A presente resolución poderá ser impugnada polos interesados nos termos previstos na base décima das respectivas convocatorias.

Santiago de Compostela, 22 de decembro de 1997.

Valeriano Martínez García

Director xeral da División de Recursos Humanos

9790